VOV4.K’ho -Mho òr (30/3), tơnơ\ tu\ Gơnoar ala mat dà lơgar tơnjơh broa\ lơh at gơnoar broa\ bơh 2 gơnoar  broa\ la Kuang atbồ Gơnoar ala mat dà lơgar mờ Kuang atbồ Mpồl te\ khà dà lơgar tus mờ ồng Nguyễn Sinh Hùng, anih duh broa\ sùm Gơnoar ala mat dà lơgar geh yal tơnggit jơnau broa\ lơh cau lơh broa\ pồ Kuang atbồ  Gơnoar ala mat dà lơgar, Kuang atbồ mpồl te\ khà dà lơgar.

            Jat pang sra\ jàu  bơh mò Tòng Thị Phóng kuang jat jơng atbồ Gơnoar ala mat dà lơgar neh ala mat anih duh broa\ sùm Gơnoar ala mat geh đơs jơnau, mò Nguyễn Thị  Kim Ngân kuang jat jơng atbồ Gơnoar ala mat dà lơgar geh yal tơnggit geh pồ tàm 2 gơnoar broa\ la Kuang atbồ Gơnoar ala mat dà lơgar  Việt Nam mờ  Kuang atbồ Mpồl te\ khà dà lơgar. Ala\ cau kuang  Gơnoar ala mat dà lơgar  cri bơyai bè  pang sra\ geh jàu tàm mpồl. Cồng nha,  cih dờp, dong mblàng jơnau đơs cri bơyai geh Anih duh broa\ sùm Gơnoar ala mat dà lơgar yal jơnau yal tơnggit Gơnoar ala mat tàm ngai do (31/3) lài mờ tu\ Gơnoar ala mat dà lơgar cri bơyai, pờ tê ring bal sra\ mat nàng geh pồ Kuang atbồ Gơnoar ala mat dà lơgar, Kuang atbồ mpồl te\ khà dà lơgar. Pơnjat hơ\,  Gơnoar ala mat dà lơgar geh pồ mờ broa\ lơh đùh sra\ mờ ring bal bơh kơrnuat pồ Kuang atbồ Gơnoar ala mat dà lơgar, Kuang atbồ mpồl te\ khà dà lơgar. Tơnơ\  geh pồ, Kuang atbồ Gơnoar ala mat dà lơgar geh đơs guh at gơnoar dùl nùs mờ Dà lơgar, mờ làng bol mờ  Sơnoa boh lam. Dilah  di geh pồ, mò Nguyễn Thị Kim Ngân geh gơ gơs  la Kuang atbồ sơnrờp tàm rài Gơnoar ala mat dà lơgar Việt Nam mờ kung la  cau ùr atbồ sơnrờp  tàm gơnoar broa\ tờm dờng, lam bồ Đảng, Dà lơgar.

                             Cau cih mờ yal tơngit K’ Brọp