VOV4.K’ho - Mho òr (27/5), mò Nguyễn Thị Kim Ngân kuang atbồ Gơnoar ala mat dà lơgar neh wa\ mò Pratibha Mehta kuang dong broa\ anih duh broa\ dunia,  ala mat lơh broa\ sùm UNDP  tàm Việt Nam.

            Tàm bùi wa\,  mò Nguyễn Thị Kim Ngân neh đơs niam bơta lơh ngan bơh anih duh broa\ dunia tus mờ bơtàu tơngguh lơh sa mpồl bơtìan Việt Nam, ngan la gah sang sơbì jơgloh tơmù rbah, sơndra\ kòp HIV/AIDS. Mò Nguyễn Thị Kim Ngân đơs  la  tài bơh dùl lơgar gam bơtàu tơngguh, den tàng Việt Nam geh pal kong mờ ua\ ngan bơta lòng, kal ke bè cau lơh broa\ nàng pơnjat tai geh mut lơh ala\ broa\ bơtàu tơngguh kơljap. Den tàng,   mò Nguyễn Thị Kim Ngân  geh jơnau đơs mờ UNDP đơs is anih duh broa\ dunia đơs bal pơnjat tai geh dong kờl Gơnoar ala mat dà  lơgar Việt Nam bơtàu tơngguh bơnga\ tàm broa\ mut lơh ala\ broa\ lơh bơtàu tơngguh rbô nam mờ broa\ lơh bơtàu tơngguh kơljap bơh lơgar Việt Nam tàm tơngai tus. Mò Nguyễn Thị Kim Ngân đơs tờm, ngap lơngai mờ bơtàu tơngguh sùm đềt mềr ngan bal mờ  kơp kờ` anih duh broa\ dunia pơnjat tai geh sền gròi tus bơta sền  gàr ngap lơngai  mờ ala\ lơgar rềp bal,  geh sap đơs kờ` bal mờ  geh broa\ lơh bơsong ala\ bơta tam phà mờ ala\ broa\ lơh ngap lơngai di pal mờ adat boh lam dunia.

                   Cau cih mờ yal tơnggit K’ Brọp