VOV4.K’ho – Mho òr 8/5, tàm [òn dờng Rạch Giá, càr Kiên Giang, mò Nguyễn Thị Kim Ngân kuang atbồ Gơnoar ala mat dà lơgar mơkung là Kuang atbồ Mpồl duh broă te\ khà dà lơgar mờ Mpồl kuang bàng sền gròi bơh Mpồl duh broă te\ khà dà lơgar dê neh lơh broă mờ Anih duh broă te\ khà càr Kiên Giang mờ Anih duh broă te\ khà kơnhoàl Châu Thành bè broă lơh rơcang te\ khà Gơnoar ala mat dà lơgar kơnă XIV mờ Mpồl duh broă ala mat làng bol ală kơnă tơngai lơh broă bơh nam 2016- 2021.

Tơnơ\ tu\ iat Anih duh broă te\ khà càr Kiên Giang yal, mò Nguyễn Thị Kim Ngân cih dờp broă lơh te\ khà Gơnoar ala mat dà lơgar mờ Mpồl duh broă ala mat làng bol ală kơnă bơh càr Kiên Giang dê geh lơh niam, di tơngai pơrgon. Nàng kờn dơ\ te\ khà geh lơh geh cồng nha niam bơne\, săc rwah geh kuang bàng geh tơl khà, dipal mờ jơnau kơ\p kờn bơh làng bol dê, mò Nguyễn Thị Kim Ngân sồr Anih duh broă te\ khà càr Kiên Giang sơlơ mblàng yal bè gơnoar mờ kơnòl nàng cau te\ khà tus bal lòt te\ khà tơl; bơto pơlam, ai cau lơh broă ai 1848 mpồl te\ khà in. Tài bơh bơta is rơmis là càr geh 2 kơnhoàl bồt, uă năc lòt nhơl tus ơm rlô să, mò Nguyễn Thị Kim Ngân tơngkah Anih duh broă te\ khà càr Kiên Giang kờn pal rơcang ală bơta pal geh nàng năc lòt nhơl tus bal te\ khà [ươn ngan rlau jơh, cau te\ khà ală kơnhoàl bồt lòt đùh sră wil tơl mờ di tơngai pơrgon.

Cau cih mờ yal tơngi\t- Lơ Mu K’ Yến