VOV4.K’ho- Drim òr 28/8, tàm Hìu Gơnoar ala mat dà lơgar, mò Nguyễn Thị Kim Ngân, Kuang atbồ Gơnoar ala mat dà lơgar tìp mat mờ 445 nă cau ala mat lòt Pơrjum dờng ơruh pơnu jak lơh jat jơnau Bác Hồ bơto sồr dơ\ IV, nam 2016. Mò Nguyễn Thị Kim Ngân sồr ală cau ala mat ơruh pơnu jak mờ bơta jơh nùs bơh pràn kơnòm să dê, mờ bơta pràn mờ bồ tơngoh sơr lèt gan kal ke brồ guh pràn ngan, pơn jat tai ai jơh bơta pràn bơsram, lơh broă, pơlam tàp nàng ngai sơlơ jak chài, nùs nhơm ngai sơlơ niam, bồ tơngoh ngai sơlơ àng loh, jơnau kơ\p kờn ngai sơlơ dờng. Ơruh pơnu jak kờn pal gi\t loh kơnòl broă dờng màng lơh krơh niam, jơh nùs bơto yal ală bơta mờng chài, broă lơh jak bơh să tờm he dê nàng rề ơnàng lơh uă mờ bơtàu tơnguh Mpồl ơruh pơnu gơ gơs là cau tờm lơh gơhòi gơ jà, lơh geh pràn gơ rề uă gơ wèt tus mờ rơnàng kơnòm să. Tàm dơ\ tìp mat, ală cau ala mat ơruh pơnu jak neh geh ală jơnau dan, sồr Gơnoar ala mat dà lơgar sền gròi dong kờl nàng ală rơnàng kơnòm să geh lơh bal uă rlau tai tàm ală broă lơh bơh Gơnoar ala mat dà lơgar mờ mpồl bơtiàn dê; geh ală gùng dà broă lơh pơlam gùng ai ơruh pơnu in jòi broă lơh broă sa; lơh geh tiah [ươn [oài bè phan bơna, kơrnoat boh lam nàng ală cau jak là cau kơnòm să kơlôi sơnơng, lơh broă tàm ală gah broă lơh pa; geh ală gùng dà broă lơh gơhòi gơ jà cau geh bồ tơngoh jak là cau kơnòm să bơh [òn dờng lòt lơh broă tàm ală càr nàng tơn ru\c lơyah bơta tam cah ngài đah [òn lơgar mờ [òn drà, [òn dờng…

Cau cih mờ yal tơngi\t- Lơ Mu K’ Yến