VOV4.K’ho – Mho òr, 25/4, tàm hìu lơh broă gơnoar ala mat dà lơgar, mò Nguyễn Thị Kim Ngân kuang atbồ gơnoar ala mat dà lơgar tìp mat mờ ồng Bun-nhăng Vo-la-chít kuang atbồ đơng lam Đảng, mơlà kuang atbồ lơgar Lào gam ơm còp ngan ngồn lơgar he.

Ala mat gơnoar ala mat dà lơgar mờ anih duh broă sùm gơnoar ala mat dà lơgar, mò Nguyễn Thị Kim Ngân jơh nùs gờm chờ ồng Bun-nhăng Vo-la-chít mờ mpồl kuang bàng dờng màng lơgar Lào tus còp ngan ngồn lơgar Việt Nam. Đơs niam bơta kuơ dơ\ tus còp bơh ồng Bun-nhăng Vo-la-chít dê, mò Nguyễn Thị Kim Ngân đơs là, do là jơnau geh kuơ dờng màng ngan, pơgồp bơnah chul chồl rlau tai bơta git gơp lơh bơyô ờs mờng, tam klac kuơ màng, jơh nùs, niam bơne\ đah Việt Nam mờ Lào. Bè tam klac đah gơnoar ala mat dà lơgar 2 lơgar, mò Nguyễn Thị Kim Ngân sồr, brồ guh bơhiàn mờ cồng nha neh lơh geh, tàm tơngai tus, 2 gah pal sơlơ tam klac, cribơyai jơnau yal tơngit, mờng chài tàm gah crơng gơs kơrnuat boh lam, sền gròi mờ tơlik kơrnuat bè ală bơta dờng bơh dà lơgar dê, tàm hơ\ kuơ màng là sền gròi tus broă đơng lam, sền gròi mut lơh jat jơnau ringbal dờng màng, ală jơnau pơrgon tam klac bal đah 2 lơgar.

                                Cau cih mờ yal tơngit K’ Duẩn.