VOV4.K’ho - Mho òr (27/9), mò Nguyễn Thị Kim Ngân, kuang atbồ Gơnoar ala măt dà lơgar bal mờ mpồl kuang bàng dờng màng tàm Gơnoar ala măt dà lơgar Việt Nam neh bơh lơgar Lào, pơn jăt tai tus còp mùl màl lơgar Campuchia. Tàm 2 ngai còp mùl màl lơgar Lào, mò Nguyễn Thị Kim Ngân neh geh dơ\ cri bơyai mờ mò Pany Yathotou, kuang atbồ Gơnoar ala măt dà lơgar Lào; tìp mờ boh bơr mờ ồng Bounnhang Volachith, kuang atbồ đơng lam Đảng mờ là kuang atbồ lơgar Lào; wă ồng Xaysomphone Phomvihane, kuang atbồ gah tề lam gùng dră bal lơgar Lào; cri bơyai mờ ồng Thongloun Sisoulith, kuang gơs gơnăp gơnoar atbồ hờ đang rơlao jơh dà lơgar Lào. Cri bơyai mờ mò Pany Yathoutou, mò Nguyễn Thị Kim Ngân neh đơs, lơgar Việt Nam lài mờ tơnơ\ kung bè hơ\, sùm sền kuơ mờ ai lài uă ngan tus mờ broă tơnguh broă lơh g^t gơ\p, lơh bơyô bal ờs mờng, tam klăc mờ lơh broă bal tơl mờ ală bơta bơh lơgar Việt Nam mờ lơgar Lào-do là broă lơh kuơ màng tus mờ rài kăc màng bơh 2 lơgar dê, phan bơna kuơ màng pal geh 2 lơgar sền gàr bal, tơnguh bơtàu mờ bơto bơtê tai ală rài tơnơ\ do in. Lơgar Việt Nam tu\ do là lơgar geh bơcri priă ơm dơ\ 3 tàm lơgar Lào mờ khà priă dan bơcri rơlao 5 tơmàn đôlar Mỹ. 2 lơgar neh lơh geh cồng nha gùng nhàr dà lơgar g^t gơ\p, lơh bơyô bal mờ lơngăp lơngai. Bơdìh hơ\ tai, broă lơh bal bơh 2 lơgar tàm ală gah bơto bơtê mờ bơsram, gùng lòt mờ pơn diang phan, priă jền-anih priă jền, lơh sơnơm, bơta chài rơgơi, nhơl chờ, tìp bal làng bol sơlơ ngai sơlơ geh cồng nha mờ geh lơh uă. Tàm nùs nhơm g^t gơ\p, lơh bơyô bal, 2 gah neh ring bal pơn jăt tai pơgồp bal nền nòn ală dơ\ pơrjum tàm dunia.

       Cau cih mờ yal tơng^t Ndong Brawl