VOV4.K’ho- Mho òr 26/6, tàm Hìu duh broă Gơnoar ala mat dà lơgar dê, Anih duh broă bè ală bơta mpồl bơtiàn bơh Gơnoar ala mat dà lơgar dê neh bơyai lơh cribơyai “Anih duh broă bè ală bơta mpồl bơtiàn mờ gùng dà broă lơh kơrnoat boh lam chul chồl gơguh jak mờ ring bal mpồl bơtiàn”. Mò Nguyễn Thị Kim Ngân kuang atbồ Gơnoar ala mat dà lơgar tus bal mờ đơs jơnau tàm dơ\ cribơyai.

Cribơyai là tu\ niam nàng sền wơl, tam pà bal ală cồng nha neh lơh geh tàm gùng lòt bơ\t bơtàu mờ ngai sơlơ lơh niam kơrnoat boh lam, gùng dà broă lơh kờn chul chồl ală bơta kuơ gơguh jak mờ ring bal mpồl bơtiàn tài bơh kòn bơnus. Mò Nguyễn Thị Kim Ngân đơs tờm, jơnau kờn bơh jơh ală gùng dà broă lơh mpồl bơtiàn ndrờm kờn bơ\t bơtàu, bơtàu tơnguh mờ cèng wơl rài kis chờ hờp lơngăp lơngai ai kòn bơnus in. Den tàng, bơh ală adat boh lam, kơrnoat boh lam bơh sơnrờp bè Adat sền gàr pràn kơldang să jan làng bol, Kơrnoat kơnòl lơh broă geh kuơ bal, Kơrnoat pơrgon lơh broă, Kơrnoat sền gàr lơh broă, neh lơh gơs geh ală kơrnoat boh lam gah lơh broă krơi is dê nàng tam gơl tơl làm ală broă mpồl bơtiàn. Mò Nguyễn Thị Kim Ngân pin dờn mờ đơs là, bơh bơta sền dờng màng, sền gàr, lơh jat bơhiàn kuơmàng hơ\, Anih duh broă bè ală bơta mpồl bơtiàn kơnă XIV mờ ală tơngai lơh broă pơn jat tai geh tàm tơrbo\ jòng ală tă pơgồp dipal tàm broă lơh chul chồl ală bơta kuơ ring bal mờ gơguh jak mpồl bơtiàn tàm tu\ tơngai lơh pràn lơh sa pa mờ măy mok, tam gơl pa dà lơgar mờ mu\t gơ rờm bal mờ dunia.

                                                                                     Cau cih mờ yal tơngi\t- Lơ Mu K’ Yến