VOV4.K’ho – Mho òr 07/9, tàm hìu lơh broă Gơnoar ala mat dà lơgar, mò Nguyễn Thị Kim Ngân, Kuang atbồ Gơnoar ala mat dà lơgar he wă ồng Lyonpo Jigme Zangpo, Kuang atbồ Gơnoar ala mat dà lơgar Butan. Mò Nguyễn Thị Kim Ngân đơs là, Việt Nam pal bơsram jat Butan nàng làng bol in geh kis ngap lơngai tàm dà lơgar he dê. Mò Nguyễn Thị Kim Ngân ưn ngài lơgar Butan neh dong kờl, tam klac krà` cê mờ lơgar Việt Nam tàm ală dơ\ cribơyai mờ mpồl lơh broă dunia mờ kơp kờ` là, mờr tus Butan pơnjat tai dong kờl nàng geh jơnau đơs ringbal tàm ală mpồl lơh broă mờ 2 lơgar geh jơng bal. Mò Nguyễn Thị Kim Ngân đơs là, 2 lơgar neh crơng gơs git gơp lơh broă bal bơh nam 2012, mơya cribơyai mpồl lơh broă đah ală anih lơh broă crơng gơs kơrnuat boh lam kung gam dùl êt ngan. Den tàng, sồr 2 lơgar sơlơ cribơyai mpồl kuang bàng dờng màng mờ ală kơnă nàng sơlơ tam klac bal đah dà lơgar, kòn bơnus mờ 2 Gơnoar ala mat dà lơgar Việt Nam, Butan.

               Cau cih mờ yal tơnggit K’ Duẩn.