VOV4.K’ho - Mho òr (18/8), tàm hìu lơh broă Gơnoar ala măt dà lơgar, mò Nguyễn Thị Kim Ngân, kuang atbồ Gơnoar ala măt dà lơgar neh wă mpồl kuang bàng lơh broă tàm anih kơlôi sơnơng prăp gàr mờ tơnguh bơta chài rơgơi kòn cau Việt Nam mờ anih lơh broă kơlôi sơnơng mờ tơnguh bơtàu bơta chài rơgơi Hùng Vương. Mò Nguyễn Thị Kim Ngân neh đơs, tàm rài dà lơgar, ală bơtau Hùng sùm là rùp rài ndu gơnrơh tàm nùs nhơm tơl nă làng bol lơgar Việt Nam dê. Pin dờn, duh khoai bơtau Hùng neh geh lơh pràn, uă, gơs là bơta chài rơgơi krơi is, geh bơta kuơ bơhiàn, tơnguh nùs nhơm tam klăc mpồl bơtiàn, ai tơl^k bơta pràn gùt jơi bơtiàn kòn cau tàm broă tam dră prăp gàr mờ sền gàr dà lơgar. Đảng mờ Dà lơgar sùm sền gròi tus ală broă lơh chài rơgơi, bơhiàn kòn cau dê.

                    Cau cih mờ yal tơng^t Ndong Brawl