VOV4.K’ho – Dờp jơnau jà bơh ồng Shinzo Abe kuang gơs gơnap gơnoar atbồ hơđang rlau jơh dà lơgar Nhờk, mpồl kuang bàng dờng màng Gơnoar ala mat dà lơgar Việt Nam bơh mò Nguyễn Thị Kim Ngân kuang jat jơng atbồ Gơnoar ala mat dà lơgar lam bồ neh tus Tokyo, sơn đờm dơ\ tus còp lơgar Nhờk bơh ngai 24 tus ngai 30/8 mờ tus bal pơrjum mpồl duh broă gùt plai ù tài cau ùr geh lơh tàm 2 ngai, 28 mờ 29/8 tàm Tokyo. Ngai òr, 25/8, mò Nguyễn Thị Kim Ngân neh tìp mat mờ ồng Tadamori Oshima kuang atbồ Gơnoar ala mat kơnă [òn lơgar lơgar Nhờk, còp ờ uă mpồl lơh sa kă bro, mpồl lơh sa dờng bơh lơgar Nhờk dê. Tàm dơ\ tìp mat cribơyai mờ ồng Tadamori Oshima, mò Nguyễn Thị Kim Ngân đơs, git gơp đah Việt Nam mờ Nhờk gam bơtàu tơnguh pràn ngan tàm jơh ală gah broă lơh, tàm hơ\ geh git gơp đah Gơnoar ala mat dà lơgar 2 lơgar. Mò Nguyễn Thị Kim Ngân kung hơ pơrgon, Việt Nam jơh nùs mờ rơcang lài gùng dà broă lơh đah 2 lơgar mờ uă lơgar, tă pơgồp tàm ngap lơngai, kơ\ kơljap bơh kơnhòal mờ dunia dê.

Kung tàm mho òr, 25/8, mò Nguyễn Thị Kim Ngân wă ồng Hideaki Domichi kuang jat jơng atbồ anih tam klac dunia lơgar Nhợk JICA. Tàm dơ\ wă, mò Nguyễn Thị Kim Ngân đơs niam bơngă bơh JICA dê tàm broă bơtàu tơnguh lơh sa tàm Việt Nam mờ sồr JICA pơnjat tai dong Việt Nam bơt bơtàu phan bơna ringbal drơng broă tam gơl pa dà lơgar Việt Nam dê.

                                                                                                         Cau mblàng K' Duẩn.