VOV4.K’ho - Ngai òr (02/12),  mò Nguyễn Thị Kim Ngân kuang jat jơng atbồ gơnoar ala mat dà lơgar neh bal mờ atbồ ua\ gah, sơnah lơh broa\ dà lơgar neh tus bal dơ\ lơh chờ tam chi tàm tiah tềl kah yau gùng Hồ Chí Minh  tàm dà lềng di ntum Thạnh Hải, kơnhoàl Thạnh Phú, càr Bến Tre. Geh rlau 10.500 tờm chi ala\ bơta geh tam tềng tiah tềl kah yau do. Do la broa\ lơh gơ ơm tàm broa\ lơh kes 1 tơlak tờm chi ai Việt Nam in bơh Đah tiah kis geh lơh bal mờ mpồl pơ gồp bal dà toh Việt Nam Vinamilk bơyai lơh. Broa\ lơh do nàng geh mut lơh mpồl bơtìan geh mut lơh bal sền gàr tiah kis, atbồ mờ sền gàr chi nàng geh niam tiah kis,  dong kờl ala\ tiah lơh pràn  broa\ mpồl bơtìan tam chi. Tơnơ\ dơ\ lơh chờ tam chi, kes dà toh guh jơnhua Việt Nam bơyai lơh jàu pà rlau 36 rbô li dà toh, kờp pria\ tus 300 tơlak pria\ ai tus mờr 500 na\ kơnòm dềt mờ dong kờl kơnòm dềt Việt Nam jàu pà 100 bơnah pria\ bơsram-tơl bơnah pria\ tus 1 tơlak pria\ pà tus kơnòm bơsram la oh kòn hìu nha\ geh rài kis kal ke tàm ntum Thạnh Hải, kơnhoàl Thạnh Phú.

                                      Cau cih mờ yal tơnggit K’ Brọp