VOV4.K’ho - Mho òr (08/3), tàm hìu lơh broă Gơnoar ala măt dà lơgar, mò Nguyễn Thị Kim Ngân, kuang jăt jơng atbồ Gơnoar ala măt dà lơgar neh wă ồng Tsutomo Takebe, kuang dong broă kuơ màng mpồl tam klăc g^t gơ\p lơh bơyô bal bơh lơgar Nhờk mờ lơgar Việt Nam gam geh dơ\ tus còp mờ lơh broă tàm lơgar Việt Nam.

Tàm dơ\ wă, mò Nguyễn Thị Kim Ngân neh dờp, đơs niam gơnoar kung bè ală broă pơgồp bal niam bơne\ bơh ồng Tsutomo Takebe dê tàm broă chồl pràn broă lơh bal bơh 2 lơgar Việt Nam mờ lơgar Nhờk tàm gah chài rơgơi mờ bơto bơtê… Mò Nguyễn Thi Kim Ngân đơs tòm: Gơnoar ala măt dà lơgar Việt Nam sùm pơn jờng mờ ai tơl bơta niam kờ` ală kuang bàng tàm Gơnoar ala măt dà lơgar 2 lơgar pờ ơnàng broă tìp bal, lơh broă bal kờ` bơ\t bơtàu nùs nhơm pin dờn, g^t wă bal, pơgồp bal tàm broă tơnguh uă mờ tơnguh bơtàu broă lơh bal kuơ màng tài lơngăp lơngai mờ pas gơs tàm châu Á bơh lơgar Việt Nam mờ lơgar Nhờk dê. Mò Nguyễn Thị Kim Ngân pin là, broă lơh bal bơh lơgar Việt Nam mờ lơgar Nhờk geh sơlơ ngai sơlơ tơnguh bơtàu, mùl màl mờ geh cồng nha. Kuơ màng ngan, rơndăp broă lơh hìu bơsram dờng Việt – Nhờk là 1 tàm ală rùp rài niam bơne\ ngan tàm broă lơh bal do.

        Cau cih mờ yal tơng^t Ndong Brawl