VOV4.K’ho - Ngai òr (08/09),  tàm hìu lơh broa\ Gơnoar ala mat dà lơgar,  mò Tòng Thị Phóng kuang jat jơng atbồ Gơnoar ala mat dà lơgar neh wa\ ồng Santiago Perez Cas Tellanos kuang atbồ gah lơh broa\ sa suơn sre mờ phan sa dà lơgar, Đảng cộng sản lơgar Cuba, gam còp mờ lơh broa\ tàm lơgar Việt Nam. Mò Tòng Thị Phóng jờng dơ\ tus còp bơh ồng Santiago Perez Cas Tellanos, đơs tờm dơ\ tus còp geh pơ gồp chul chồl rlau tai git gơp lơh broa\ bal tơl làm bơh 2 Đảng, 2 lơgar  Mò Tòng Thị Phóng geh đơs bơta chờ hờp tềng ala\ cồng nha mờ  Đảng mờ làng bol Cuba neh  lơh geh tàm broa\ lơh mut ngui ala\ kơrnuat pơrjum VI bơh Đảng Cộng sản lơgar Cuba, geh đơs bơta pin dờ` bơh bơt atbồ jak ngan  bơh Đảng Cộng sản Cuba, lam bồ  kac màng la ồng Fidel Castro mờ ồng  Raul Castro kuang atbồ lơgar, làng bol Cuba geh sơrlèt ala\ kal ke bơta lòng, sền gàr kơljap ala\ cồng nha  kac màng, pơnjat tai geh ua\ jai pha  dờng màng rlau tai tàm rài kac màng he dê.

                                                          Cau mblàng K’ Brọp.