VOV4.K’ho – Di tu\ pơrjum pơrlòng lơh ngan lơh geh pha lin gùt ling klàng dơ\ 9 geh bơyai lơh tàm càr lơgar Hà Nội, drim òr ( 30/6) tàm Hìu pơrjum Diên Hồng, mò Tòng Thị Phóng kuang jat jơng atbồ Gơnoar ala mat dà lơgar tìp mat ală cau ala mat tus bal pơrjum. Mò Tòng Thị Phóng nting sap gờm chờ ală cồng nha, ală pha lin jak ngan bơh ală cau dùl nă să, mpồl bal geh pơnrơ jak tàm gùt ling klàng. Mò Tòng Thị Phóng neh ràng tơlik bơta ngoh rơngac, nùs nhơm sơnơng niam tềng đap ală broă lơh niam, bơceh pa, geh cồng nha bơh ală cau geh pơnrơ jak, ngan là bơceh pa tơnguh jơnhua cồng nha pơlam tàp, rơcang lài tam lơh, ală cau ling khin cha jak chài tàm broă tam lơh sền gàr tơl làm gơnoar tờm, ù tiah ndu gơnrơh dà lơgar dê… Tềng đap ală bơta gơlik geh kal ke tàm dunia mờ kơnhòal, gam tơlik ală jơnau sồr mờ kơnòl pa uă rlau tàm broă lơh bơt bơtàu mờ sền gàr dà lơgar. Mò Tòng Thị Phóng sồr: “ Pal pơnjat tai sền gròi lơh niam rlau tai broă sền go\, bơto pơlam, rề ơnàng ală cau geh pơnrơ jak, ai geh bơta [uơn nàng ală cau geh pơnrơ jak bơtàu tơnguh bơta pràn jak, geh sền gròi bơto bơtê bơtàu tơnguh tơl làm là kơnòl bơh ală kơnă Đảng, mpồl đơng lam ling klàng dê. Broă lơh pơrlòng pal ai cồng nha lơh tờm, bè Bác Hồ neh tơngkah, hơ\ là pal mut lơh tơngume 1, broă lơh 10 mờ nùs nhơm lơh ngan 20. Krà` cê dră wơl bơta lòt jat cồng nha, đơs ờ gơjat bal mờ broă lơh.”