VOV4.K’ho - Drim òr (18/10), mò Tòng Thị Phóng, kuang jăt jơng atbồ Gơnoar ala măt dà lơgar bal mờ mpồl ala măt kuang bàng tàm Gơnoar ala măt dà lơgar càr Dak Lak neh tìp mờ rơlao 300 nă cau te\ khà tàm [òn dờng Buôn Ma Thuột, càr Dak Lak.

                              Pơrjum tìp mờ cau te\ khà tàm càr Dak Lak

Tàm dơ\ tìp, mpồl kuang bàng tàm Gơnoar ala măt dà lơgar càr Dak Lak neh yal mờ cau te\ khà bè tơngu me, broă lơh tàm pơrjum dơ\ 10, Gơnoar ala măt dà lơgar kơnă 13 geh bơyai lơh tàm ală ngai tus. Cau te\ khà [òn dờng Buôn Ma Thuột càr Dak Lak dan bè broă bơto bơtê mờ ai broă lơh; broă kă bro blơ\ blăc gam geh uă, phan ờ ngan, phan đòm gam uă; bơta niam ờ do ờ dă tàm gùng lòt ờ hềt niam, bơta lơngăp lơngai mpồl bơtiàn gơl^k geh kal ke. Đơs tàm dơ\ tìp mờ cau te\ khà, mò Tòng Thị Phóng, kuang jăt jơng atbồ Gơnoar ala măt dà lơgar neh dờp ală jơnau đơs, jơnau dan bơh cau te\ khà [òn dờng Buôn Ma Thuột dê.

Mò Tòng Thị Phóng, kuang jăt jơng atbồ Gơnoar ala măt dà lơgar geh jơnau đơs mờ cau te\ khà bal mờ jơnau chờ gờm pơrjum dờng mpồl đơng lam Đảng càr Dak Lak

Di tàm dơ\ do, ala măt Gah gùng dră bal dà lơgar, mò Tòng Thị Phóng neh chờ gờm mpồl đơng lam Đảng càr Dak Lak neh bơyai lơh geh cồng nha pơrjum dờng, mờ sồr càr Dak Lak gờ` lơh jăt kơrnoăt Đảng mu\t tàm rài kis. Mò Tòng Thị Phóng đơs: “A` chờ hờp ngan tềng đăp mờ cồng nha bơh pơrjum dờng mpồl đơng lam Đảng càr Dak Lak dê. Tơnơ\ mờ pơrjum dờng do a` sồr mpồl đơng lam Đảng càr sền wơl broă lơh, ai tơl^k broă lơh kờ` ai kơrnoăt mu\t tàm rài kis mơ. Ngai do a` go\ ală jơnau đơs pơgồp bal bơh ală cau te\ khà là di pal ngan. Mờ kơnòl broă lơh a` dê, geh  yal mờ Gơnoar ala măt dà lơgar. Lài mờ tu\ bơyai lơh pơrjum ngai do, mpồl kuang bàng kung neh lơh broă mờ kuang đơng lam càr kờ` cri bơyai bè ală broă lơh, kơrnoăt broă lơh kờ` tơnguh broă bơcri priă càr Dak Lak in”.

        Cau cih mờ yal tơng^t Ndong Brawl