VOV4.K’ho - Dờp jơnau jà bơh mò Valentina Matvienko, kuang atbồ Gơnoar ala măt dà lơgar Nga, ngai òr (20/9), mò Tòng Thị Phóng, kuang jăt jơng atbồ Gơnoar ala măt dà lơgar Việt Nam bal mờ ờ uă kuang bàng tàm Gơnoar ala măt dà lơgar Việt Nam neh tus còp lơgar Nga mờ tus pơrjum cau ùr châu Á mờ châu Âu geh bơyai lơh bơh ngai 24/9. Mho mờ mang òr, mò Tòng Thị Phóng bal mờ ală kuang bàng neh geh dơ\ tìp măt mờ ala măt ală mpồl lơh broă mpồl bơtiàn lơgar Việt Nam tàm lơgar Nga tàm hìu chài rơgơi-kă bro Hà Nội Moscow. Mò Tòng Thị Phóng neh yal mờ làng bol bè ală gùng dà, broă lơh Đảng mờ Dà lơgar, bal mờ anih lơh adăt boh lam là Gơnoar ala măt dà lơgar Việt Nam mờ ală broă mờ làng bol gam sền gròi. Hơ\ là broă lơh bè lơi kờ` làng bol geh rài kis ring niam, di pal mờ adăt boh lam lơgar gam ơm kis; là broă yal tơng^t, lam sồr bè ală tơngu me pa adăt boh lam lơgar Việt Nam, broă tàm dunia… mò Tòng Thị Phóng neh pơn jờng ală broă lơh niam mpồl cau lơgar Việt Nam tàm lơgar Nga dê gam pơgồp bal kuơ màng tàm broă chồl pràn broă lơh bal bơh lơgar Việt Nam mờ lơgar Nga.

        Cau cih mờ yal tơng^t Ndong Brawl