VOV4.K’ho – Lồi mho òr 14/12, tàm hìu lơh broă Gơnoar ala mat dà lơgar, mò Tòng Thị Phóng kuang jat jơng atbồ gơnoar ala mat dà lơgar wă mpồl kuang bàng gơnoar ala mat dà lơgar lơh bơyô mờ lơgar Việt Nam bơh lơgar Nga dê bơh ồng Volkov lơh kuang atbồ mpồl gam geh dơ\ tus còp mờ lơh broă tàm lơgar Việt Nam.

Mò Tòng Thị Phóng đơs tờm: Bơh git gơp bơhìan yau niam bơne\, Gơnoar ala mat dà lơgar Việt Nam sùm kờ` broă rề ơnàng mờ lơh niam rlau tai git gơp tam klac bal đah Việt Nam mờ Nga, bal mờ Gơnoar ala mat dà lơgar Nga chồl pràn broă sền gròi ală rơndap broă tam klac lơh broă kuơ màng đah 2 lơgar bè rơndap lơh hìu mai\ đèng hạt nhân Ninh Thuận tơngai dơ\ 1, broă ki\ jơnau pơrgon FTA đah Việt Nam mờ Mpồl tam klac lơh sa châu Á – châu Âu kung bè ală rơndap broă kuơ màng ndai tàm gah nhơm zời, chài ling kàng… nàng ală rơndap broă lơh geh cồng nha niam ngan rlau jơh, drơng niam ngan rlau jơh tus mờ broă tơnguh git gơp lơh broă bal kuơ màng bơtàu tơnguh jrô ơnàng mờ geh cồng nha. Mò Tòng Thị Phóng ràng tơlik kơp kờ` Gơnoar ala mat dà lơgar bơh 2 lơgar dê geh sơlơ tam klac rlau tai, sùm cribơyai mờng chài crơng gơs kơrnuat boh lam kung bè broă lơh bơh ală anih lơh broă Gơnoar ala mat dà lơgar dê, mơkung jơh nùs dong kờl Gơnoar atbồ 2 lơgar kờ` mut lơh jat ală jơnau pơrgon neh ki\.

Ala mat mpồl lơh broă, ồng Volkov yal mờ mò Tòng Thị Phóng bè ờ uă cồng nha lơh broă đah mpồl kuang bàng Gơnoar ala mat dà lơgar lơh bơyô Việt Nam mờ Nga bơh Gơnoar ala mat dà lơgar Việt Nam mờ mpồl dê tàm drim òr, mơkung pin dờn là tàm tơngai tus, 2 mpồl geh sơlơ tơnguh rlau tai ală broă lơh tìp mat, cribơyai mpồl, pơgồp jơh nùs tàm broă chul chồl git gơp đah 2 Gơnoar ala mat dà lơgar, 2 dà lơgar.