VOV4.K’ho- Mho ngai 3/12, Mò Trương Thị Mai, Kuang atbồ Mpồl hòi jà làng bol dà lơgar neh tus còp, pà phan ai kơnòm bơsram mờ cau pơgru Hìu bơsram Phổ thông Dân tộc Bán trú kấp dùl – kấp bàr Tu Mơ Rông, càr Kon Tum in.

                        Mò Trương Thị Mai 2 còp  hìu bơsram Phổ thông dân tộc Bán trú Tu Mơ Rông

Nam bơsram do hìu bơsram geh 240 nă kơnòm bơsram, ndrờm là oh kòn làng bol kòn cau Sơdàng lơm. Bal mờ anih hìu bơsram tờm, hìu bơsram geh 2 anih hìu bơsram rah rài mờ 12 ơdu\ bơsram bơh ơdu\ 1 tus ơdu\ 9.

Mò Trương Thị Mai, Kuang atbồ Mpồl hòi jà lam sồr làng bol dà lơgar  cih dờp mờ jờng rơ bơta pơnđơl pràn, lơh ngan, bơh kuang bàng, cau pơgru hìu bơsram dê tàm broă gàr tơl khà lòt bơsram tryang tryồng mờ cồng nha bơsram sră bơh ală kơnòm bơsram dê.

Ngan là jờng rơ broă cau pơgru neh dong kờl, sền gròi rài kis ai ală kơnòm bơsram là kòn cau Sơdàng mờ broă tă pơgồp bal pria\ jền, gàr tơl ală dơ\ sa sào bềng lìu nùs nhơm kờ` gơ boh bal tàm anih hìu bơsram thôn Đăk Ka, xã Tu Mơ Rông dê mờ anih hìu bơsram thôn Ty Tu, xã Đăk Hà dê. Di dơ\ do, mpồl lơh broă neh pà 486 bơnah phan ai ală kơnòm bơsram geh rài kis kal ke ua\ mờ kờp pria\ 372 tơlak đong, pà pria\ bơsram, dà toh mờ phan ngui bơsram ai ală kơnòm bơsram in mờ kờp pria\ mờr 1 tơmàn 100 tơlak đong.

Cau mblàng K’ Hạnh