VOV4.K’ho – Mho òr, 25/5, tàm Hà Nội, Mò Trương Thị Mai kuang atbồ mpồl lam sồr dà lơgar neh geh dơ\ lơh broă mờ mpồl tam klac cau ùr Việt Nam. Đơs tơn jơh dơ\ lơh broă, mò Trương Thị Mai tơngkah, tơngai tus, mpồl pal geh broă lơh pa, bal hiă rlau bè broă lơh bơtòm tơrgùm cau tàm mpồl, ngan là pal lơh gơs bơta gơ hòi gơ jà, tơrgùm cau ùr bơh broă lam sồr cau ùr tus bal ală broă lơh, ală srơh mpồl dê. Mò Trương Thị Mai đơs loh: ală broă lơh, srơh bơh cau ùr dê tàm tơngai tus bal ngan ngồn, geh cồng nha nàng drơng jơnau kờ` cau ùr dê. Den tàng, mpồl pal bơh uă anih yal tơngit krơi is nàng pơyua jơnau đơs pràn kơldang, bơta kơp kờ` bơh cau ùr gùt lơgar dê. Kuơ màng, pal ai geh bơta sền gròi uă rlau tai tus mpồl cau ùr [uơn gơtìp aniai, cau ùr geh rài kis kal ke tàm broă lơh bơtàu tơnguh lơh sa mpồl bơtiàn, ngan là mpồl cau lơh broă ntrờn bơh tiah [òn lơgar tus [òn dờng, tiah drà tài jòi broă lơh mờ cau ùr kuet kơlte.

                              Cau cih mờ yal tơngit K’ Duẩn.