VOV4.K’ho – Drim òr 5/5, di dơ\ lòt lơh broă tàm Lâm Đồng, mò Trương Thị Mai kuang đơng lam Đảng dà lơgar, mơkung là Kuang atbồ Mpồl lam sồr làng bol dà lơgar lòt còp, lơh broă mờ chul chồl broă lơh mu\t lơh te\ khà tàm càr Lâm Đồng. Nàng dơ\ te\ khà geh lơh cồng nha niam bơne\, mò Trương Thị Mai sồr Mpồl đơng lam, Anih duh broă te\ khà tơrgùm mu\t lơh niam ală broă lơh jat di broă lơh te\ khà. Mơkung đơs tờm, broă lơh tam tìp mờ cau te\ khà kờn pal geh lơh pơgồp bal niam, dùl ròt bal kờn lơh geh tơl ală bơta niam ngan rlau jơh ai ală cau tơlik mat te\ khà kuang bàng Gơnoar ala mat dà lơgar, mpồl duh broă ala mat làng bol in geh tu\ tam tìp, tìp mat, yal broă rơndăp lơh jat di jơnau cih bơh adat boh lam dê. Mò Trương Thị Mai cih dờp mờ đơs niam ngan ală cồng nha bơh sơn rờp tàm broă lơh te\ khà tàm tơngai lài tàm càr Lâm Đồng. Tàm tơngai bơh tu\ do tus ngai geh lơh dơ\ te\ khà kờn pal sền dờng màng lơh niam broă lơh sền gàr bơta lơngăp lơngai- rơndăp tăp sèng ờdo ờdă tàm ală [òn làng bol ơm kis, ală mpồl te\ khà, geh nùs nhơm rơcang ngăc kơrhia lài ală mpồl cau gơ jran kơuềng geh jơnau jòi kai kờn lơh aniai Đảng, Dà lơgar, tam dră lơh aniai dơ\ te\ khà.

Cau cih mờ yal tơngi\t- Lơ Mu K’ Yến