VOV4.K’ho – Nàng kờ` chồl pràn broă mblàng yal bè pơrjum cau ala mat Đảng bộ càr Gia Lai dơ\ 16 mờ pơrjum dờng cau ala mat gùt lơgar dơ\ 13 bơh Đảng dê, Ban Tuyên giáo Tỉnh ủy bơyai lơh pơrlòng “Jòi git 75 nam kah yau Đảng bộ càr Gia Lai”. Tơ nơ\ rlau 3 nhai lam lơh, pơrlòng dờp geh bơta sền gròi bơh gal ngan kuang bàng, đảng viên mờ ală rơnàng làng bol bal mờ mờr 100 rbô jơnau tus bal pơrlòng.

Jat jơnau đơs bơh Mpồl bơyai lơh dê, dơ\ pơrlòng geh lơh niam, mờ lơh di mờ tơngai geh ai tơlik. Broă yal jơnau, mblàng yal geh ală anih lơh broă, mpồl lơh broă, ală tiah lam lơh di tu\ mờ làm gùt bă tiah. Bơh hơ\, gal ngan kuang bàng, đảng viên, công chức, viên chức, đoàn viên, cau tàm ală mpồl, kơ nòm bơsram, cau bơsram dờng, cau ling mờ ală rơnàng làng bol tàm càr mờ bơdìh càr tus bal jòi git 75 nam kah yau Đảng bộ càr Gia Lai đơs is mờ 90 nam kah yau Đảng Cộng sản Việt Nam đơs bal.

Cau mblàng K’Duẩn