VOV4.K’ho – Bal mờ broă ai rơndeh in lòt gan gùng Hồ Chí Minh gơl lòt gan Tây Nguyên, ală gùng lòt kuơmàng bơh tiah do dê tàm tơngai lài neh geh bơcri priă uă nàng lơh niam wơl mờ lơh ơnàng, tàm tơrbo\ bal gùng lòt kă bro phan, lơh geh pràn chồl bơtàu tơnguh lơh sa- mpồl bơtiàn.

Gùng Hồ Chí Minh gơl lòt gan Tây Nguyên neh geh ai rơndeh in lòt

Ồng Nguyễn Ngọc Đông kuang jat jơng atbồ Gah Gùng lòt pơndiang phan dà lơgar, pà gi\t: bulah priă dà lơgar dê kal ke ngan, mơya 6 nhai bồ nam 2015 do neh ai geh mờr 7 rbô 500 tơmàn priă ai ală rơndăp broă lơh gùng lòt tàm Tiah Tây Nguyên in, lơh geh 63% broă rơndăp lơh gùt nam. Bơh tu\ do tus lồi nam, bal mờ broă lơh jơh pơgăp 200 kơi sồ gùng rơndeh gam wơl, Gah Gùng lòt pơndiang phan dà lơgar geh mu\t lơh broă rơndăp lơh lơh niam uă gùng lòt Tây Nguyên tus nam 2020, mờ kờp jơh priă bơcri lơh là pơgăp 111 rbô tơmàn priă. Ồng Nguyễn Ngọc Đông kuang jat jơng atbồ Gah Gùng lòt pơndiang phan dà lơgar, đơs: “6 nhai lồi nam do, den gah gùng lòt pơndiang phan dà lơgar geh lơh ngan lơh jơh ală gơl gùng gam wơl. Bol a` kung neh geh broă rơndăp lơh di mơ tơngai bơh nam 2016- 2020, lơh ngan lơh jơh ală gơl gùng song mờ 2 gơl gùng kuơmàng ngan là gùng 14C mờ gùng Đah mat tơngai lik Trường Sơn mờ ală gùng bơkang nàng tàm tơrbo\ bal tiah Tây Nguyên mờ tiah kềng gah dà lềng đah tàm gùl lơgar nàng phan bơna gơtùi pơndiang lòt kă bro, mờ kă bro mờ lơgar ndai. Bol a` geh mu\t lơh nàng gơtùi sơnđờm mu\t lơh geh gùng rơndeh ntoăt rat Dầu Giây lòt tus Liang Khàng”..

Cau mblàng Lơ Mu K’Yến