VOV4.K’ho - Ngai òr (19/01) mpồl ơruh pơnu Cộng Sản Hồ Chí Minh càr Dak Nông neh bơyai lơh tơnjơh broa\ lơh dờp kơnòl lơh sra\ dan càn pria\ nam 2015. Kờp tus ngai 30/11/2015, kờp jơng kah dồs bơh mpồl ơruh pơnu càr  lơh sra\ càn pria\ bơh anih pria\ jền dong kờl cau rbah càr  la rlau 318 tơmàn pria\, mờ mờr 20 rbô hìu nha\ rbah, hìu nha\ drờm bè cau rbah mờ cau geh khà sra\ dong kờl bơh dà lơgar la ơruh pơnu geh càn pria\ nàng bơcri bơtàu tơngguh lơh sa. Kờp jơh khà pria\ geh càn nam 2015  geh tus mờr 11 tơmàn pria\. Broa\ lơh càn pria\ bơh mpồl ơruh pơnu Cộng Sản Hồ Chí Minh càr Dak Nông dờp kơnòl lơh sra\ càn pria\ neh dong ua\ ngan ơruh pơnu,  cau geh khà sra\ dong kờl neh càn geh pria\  mờ pria\ cồng êt nàng pờ ơnàng lơh sa, brồ guh lik klàs rơbah mờ lơh pas.

                   Cau cih mờ yal tơnggit K’ Brọp