VOV4.K’ho – Ngai do, 5/9, mờr 22 tơlak nă kơnòm bơsram, cau bơsram dờng gùt lơgar chờ hờp tus bal dơ\ bơyai lơh lơh mut nam bơsram pa 2017 – 2018 mờ uă bơta tam gơl pa. Jat tơr gùm kờp bơh Bộ Gíao dục mờ Đào tạo dê, nam bơsram 2017 – 2018, kấp mầm non geh mờr 5 tơlak nă; kấp 1 geh mờr 8 tơlak nă kơnòm bơsram, kấp 2 geh rlau 5 tơlak nă kơnòm bơsram mờ kấp 3 là mờr 2 tơlak 500 rbô nă kơnòm bơsram.

Gơwèt mờ ală hìu bơsram cao đẳng sư phạm mờ ală hìu bơsram đại học geh mờr 1 tơlak 700 rbô nă cau bơsram dờng. Nam bơsram 2016 – 2017 gùt gah bơto bơsram mut lơh 9 mpồl kơnòl broă kuơ màng mờ 5 mpồl broă lơh kờ` tam gơl pa mờ hời rơ hời tơnguh cồng nha bơto bơsram. Tàm nam sơn rờp mut lơh, ală kơnòl mờ broă lơh ai tơlik neh geh ală gơ rềng uă ngan tus git wă kung bè broă lơh bơh gùt gah do dê, lơh gơs ală tam gơl niam ngan.