VOV4.K’ho – Mho ngai 1/6, mpồl lơh broă bơh Gah cribơyai broă mờ lơgar ndai dà lơgar geh 17 nă kuang atbồ anih ala mat lơgar Việt Nam tàm lơgar ndai pa geh pồ tơngai lơh broă bơh nam 2015 tus nam 2018 neh tus còp mờ lơh broă mờ mpồl đơng lam Tây Nguyên.

Lơh broă mờ mpồl, ồng Trần Việt Hùng kuang jat jơng atbồ mpồl đơng lam Tây Nguyên pà git, 5 nam do, gùt tiah do mìng gơ hòi geh 147.000 tơmàn priă bơcri, geh mờr 40% jơnau kờ` bơtàu tơnguh; tàm hơ\ ală rơndap broă bơcri priă bơh lơgar ndai tàm Tây Nguyên là dùl êt ngan. Jat ồng Trần Việt Hùng, nàng geh tai bơta pràn bơcri bơtàu tơnguh lơh sa - mpồl bơtiàn Tây Nguyên, pal geh bơta tam klac bal ală tiah, hòi jà priă bơcri pràn bơh tàm dà lơgar mờ lơgar ndai. Ồng Vũ Quốc Cường kuang jat jơng atbồ gah cribơyai broă mờ lơgar ndai dà lơgar, kuang atbồ anih ala mat lơgar Việt Nam tàm lơgar Nhờk tơngai lơh broă bơh nam 2015 tus nam 2018 pà git, dơ\ lơh broă tàm Tây Nguyên là tu\ nàng ală kuang bàng tàm mpồl lài mờ tu\ dờp kơnòl broă tàm lơgar ndai git loh rlau tai bè bơta geh ngan tàm ală càr, [òn dờng, dong mut lơh niam ală kơnòl cribơyai mờ lơgar ndai, yal bè dà lơgar mờ kòn bơnus lơgar Việt Nam, bơta pràn lơh sa - mpồl bơtiàn bơh tơl tiah kuơ màng dà lơgar dê, chồl pràn git gơp tam klac tơl bơta mờ ală lơgar tàm dunia.

                                                                                      Cau mblàng K’ Duẩn