VOV4.K’ho - Kòp Covid-19 gam gơlik geh kal ke ngan. Tàm ală [òn tiah sar lơgar ngài bơh càr Dak Lak dê, nàng dong làng bol git di mờ git bè broă rơcang sơndră kòp, mpồl lơh broă đoàn kấp hơ đơm neh geh ua\ broă lơh mblàng yal ngac ngar, bơceh pa. Mìng mờ điện thoại at tê, tơmut tàm điện thoại jơnau pờ tơlik bal mờ loa crap tàm rơndeh ma\i, ală mpồl đoàn viên ơruh pơnu ngai pah ngai lòt tus tơl gơl gùng nàng pờ loa mblàng jơnau.

Bơh lồi nhai 7 tus tu\ do, bulah khat tàm tu\ trồ mìu halà trồ tơngai, ală rơndeh ma\i bơh đoàn viên ơruh pơnu pơndiang bal mờ loa pờ tơlik jơnau đơs lòt tus tơl gơl gùng ală [òn tàm xã Cư Dliê Mnông, kơnhòal Cư Mgar,  càr Dak Lak nàng mblàng yal bè broă rơcang sơndră kòp Covid -19. Bi Y Diu Ktla, ơm tàm [òn Brah, xã Cư Dliê Mnông yal, pơgap bơh 6 jơ drim tus 8 jơ drim mờ bơh 4 jơ mho tus 6 jơ mang pah ngai, ală rơndeh kơt loa pờ tơlik jơnau đơs lòt rơ le\ rơlù tàm ală gơl gùng tàm [òn, pờ tơlik ală jơnau đơs bè tơngume pơlam rơcang sơndră kòp mờ dà kòn cau Rơđê. Kơ nờm bè hơ\ mờ tàm [òn Brah, bơh cau kra tus kơ nòm dềt ndrờm git jơh tơn ală broă lơh rơcang sơndră kòp bè sùm ràu tê, gàr kloh niam hìu đam mờ tiah ơm kis, pơn chèu glòm muh mat tu\ lòt hờ bơdìh mờ tus tiah geh gal cau.

Bi Y Diu Ktla yal: “Phàt sră cih jơnau tơnggit den ua\ ngan tàm sră hơ\ cih mờ dà yoan, ờ ua\ cau ờ git den tàng kung gơtìp kal ke tàm broă git wă. Ai tu\ do geh mblàng yal mờ loa pờ tơlik jơnau đơs lòt làm bă tiah den [ươn git rlau, làng bol klo dà đơs kòn cau Rơđê den khi sền gròi mờ iat mờ [ươn wă rlau, bơh hơ\ lơh jat di mờ jơnau mblàng yal bè rơcang sơndră kòp nàng lơh geh cồng nha niam ngan rlau jơh”.  

Bi Nguyễn Hữu Ân, Bí thư đoàn xã Cư Dliê Mnông pà git, lài do, Đoàn viên ơruh pơnu mìng mblàng yal mờ broă phàt sră cih jơnau tơnggit, pờ tơlik jơnauyal tàm pang mạng xã hội bơh mpồl lơh broă Đoàn dê là tờm ngan. Đoàn xã kung ngui loa doi\ làm bă tiah mơya mìng tơrgùm tàm tiah tàm gùl xã. Bulah bè hơ\, tu\ kòp gơbàn ua\ wơl tàm lồi nhai 7 pa do mờ geh cau bơ tờp kòp tàm càr Dak Lak, đoàn xã neh ngui rơndeh ma\i pơndiang loa doi\ lòt tus tơl thôn, [òn nàng mblàng yal.

Mpồl mblàng yal pà chèu glòm muh mat mờ pờ loa pơlam làng bol

Mờ 11 thôn mờ 5 [òn làng bol kòn cau Rơđê, ală mpồl geh 2 nă ơruh pơnu geh sồr tàm pơdar đì rơndeh lòt jat ală gơl gùng tàm [ùi drim mờ [ùi mho pah ngai. Tàm hơ\, tàm ală [òn, tơngume mblàng yal geh mblàng gơs dà kòn cau Rơđê nàng dong làng bol wă mờ [uơn git rlau: “Broă mblàng yal mờ loa làm bă tiah den sền go\ geh cồng nha ngan tài gơ lòt tus tơl gơl gùng bơh tơl thôn, [òn dê, tu\ hơ\ làng bol geh klo jơnau tơnggit dipal mờ di tu\ rlau. Mblàng yal mờ 2 dà đơs, dà yoan tàm ală thôn mờ mblàng mờ dà kòn cau Rơđê tàm ală [òn. Tàm ală tơngume mblàng yal bơh Đoàn xã dê den geh rơ wah ală jơnau tơnggit nàng mblàng yal, bơh hơ\ go\ làng bol git mờ wă mhar ngan, geh cồng nha ngan”.

Ală mpồl lơh broă dong kờl is tàm pà gơs mpồl dềt tus tơl hìu nàng mblàng yal, phà sră cih jơnau tơnggit

Kung mờ broă lơh ndrờm bal sơl, đoàn viên ơruh pơnu xã Vụ Bổn, kơnhòal Krông Pách neh mblàng yal làm bă tiah tàm jơh 28 thôn, [òn tàm xã. Bi La Văn Giang, Bí thư đoàn xã Vụ Bổn pà git, ală mpồl mblàng yal lòt gơs mpồl mờ rơndeh ma\ geh kơt bùng bi dà lơgar mờ pơndiang loa, mblàng yal sùm pah ngai 2 dơ\, [ùi drim mờ [ùi mho.

Jơnau tơnggit làm bă tiah dong làng bol git bè kòp bơ tờp, tơngkah làng bol lơh jat ală jơnau sồr bè ơm yah ngài, git bơta kươ bơh broă yal gah lơh sơ nơm in, pơlam broă yal gah lơh sơ nơm in; pơlam tơl nă cau in git bè tam pà jơnau yal bè kòp Covid-19 tàm mạng xã hội, ờ tam pà ală jơnau yal ờ ngan ngồn lơh mpồl bơtìan ờ suk halà ngòt rơ ngơt.

Bi La Văn Giang pà git: “Pah ngai, a` lơh 2 jơnau tơnggit bè broă lơh mblàng yal jat ală sră nggal đơng lam, pơlam bơh UBND xã mờ ală sră nggal bơh kấp hơđang dê tàm broă rơcang sơndră kòp mờ pờ tơlik tàm loa bơh xã dê dùl ngai 2 dơ\. 2 mpồl mblàng yal làm bă tiah mblàng yal tus jơh ală thôn, [òn tàm gùt xã, lòt mblàng yal phàt sră cih jơnau tơnggit mờ pà chèu glòm muh mat ờ sa pria\ ai làng bol in tàm ală drà, tiah geh gal cau bal mờ broă bơsong, tơngah làng bol lơh jat jơnau sồr pơn chèu glòm muh mat tàm tiah geh gal cau”.

Ală loa làm bă tiah geh soh àu mìu nàng sền gàr tu\ trồ mìu

 Tàm xã Cư Pơng, kơnhòal Krông Buk, bal mờ broă mblàng yal bè kòp Covid-19, ală đoàn viên ơruh pơnu gam pơ gồp bal mblàng yal bè kòp bạch hầu mờ kòp sốt xuất huyết. Jat bi Y Hlý Niê Kđăm, Phó bí thư đoàn ơruh pơnu xã Cư Pơng yal, mpồl mblàng yal xã dê là mpồl lơh broă mpồl bơtìan den tàng [ươn ngan tu\ lam lơh ală broă lơh. Mờ 30 nă cau tờm bal mờ ua\ cau lơh broă dong kờl is là ală kơ nòm bơsram kấp 2, bơh lồi nhai 7 tus tu\ do, mpồl neh tam pà gơs ală mpồl dềt nàng lòt mblàng yal tàm 18 thôn, [òn tàm xã. Bulah ua\ ngai do, trồ tiah ờ niam, mìu sùm lơh ală gơl gùng ù bềng bo\ lơm bè mơya pah ngai ală mpồl kung gam gàr sỳm broă mblàng yal tus tơl gơl gùng, tơl hìu bơnhă làng bol: “Sơn đờm bơt bơtàu wơl mpồl lam lài dơ\ 1 den oh mi lòt mblàng yal làng bol in mờ loa làm bă tiah, phàt sră cih jơnau tơngit mờ pơlam làng bol ngui ứng dụng nCovi tàm điện thoại ngac ngar. Àng drim den 5jơ nggùl mblàng yal tàm drà hơ\ sồng tơngkah làng bol tu\ lik bơh hìu pal pơn chèu glòm muh mat nàng sền gàr să tờm mờ hìu bơnhă, pơn jat tai pơlam nàng làng bol in git broă gơlik geh nàng ờ ngòt rơ ngơt”.

Ală cau ling soh àu tơlir ờ ngòt trồ mìu, gùng bo\ lơm bè kung gam jơh nùs lơh jat kơ nòl mblàng yal

Mờ broă mblàng yal bal hia\ bal mờ ală phan bơna mờng quèng, mơya mờ bơta jơh nùs pơ gồp bal mờ nùs nhơm geh kơ nòl ua\, ală mpồl mblàng yal soh àu tơlir tàm Dak Lak neh tă pơgồp cồng nha tàm broă sơndră kòp Covid-19 tàm ală thôn [òn tàm càr.

Cau cih H’Xíu – Cau mblàng K’Duẩn