VOV4.K’ho - Drim òr 15/04,  tàm [òn dờng Kon Tum, mpồl cau dờng sơnam càr Kon Tum bơyai lơh pơrjum tơnjơh 15 nam ngai crơng gơs mpồl mờ srơh pơr lòng kờ` gơboh dà lơgar “Sơnam dờng-Broa\ sơlơ jak” 5 nam 2010-2015. Tàm  dơ\ pơrjum,  mờr 100 na\ cau ala mat neh geh jờng, pơn jờng. Tơnơ\ 15 nam crơng gơs,  tus tu\ do, mpồl cau dờng sơnam càr Kon Tum neh trơ gùm geh rlau 27 rbô na\ cau tàm mpồl, cri bơyai tàm 99 mpồl. Chồl guh nùs nhơm “Sơnam dờng bồ tơnggoh slơ jak bơtàu tơngguh lam lài lơh broa\ tài rài bơt bơtàu mờ sền gàr dà lơgar”, srơh pơr lòng kờ` gơboh dà lơgar “Sơnam dờng –Broa\ slơ jak” geh cau dờng sơnam tàm càr Kon Tum lơh jat ua\ ngan. Tàm ròt gùng dra\ bal, mờr 3 rbô na\ cau gam tus bal tàm broa\ lơh bơh Đảng, ala\ mpồl, mpồl  [òn lơgar nàng pơ gồp bal bơt bơtàu [òn lơgar mờ mpồl slơ ngai slơ pràn kơljap.

                                                                       Cau mblàng K’ Brọp.