VOV4.K’ho – Bulah crơng gơs ờ hềt jo\, mơya Mpồl cau ling yau càr Daknông neh lơh niam bơngă, kơnòl bơh mpồl dê tàm ală srơh bè bơt bơtàu [òn lơgar pa, lơh sa kă bro jak, pơgồp bơnah lơh geh uă jai pha kuơ màng ngan càr in. Di tơngkah 27 nam ngai bơhìan mpồl cau ling yau ( 6/12/1989 – 6/12/2016), cau ai tơnggit jơnau đơs Việt Nam tàm Tây Nguyên geh dơ\ lùp jơnau ồng Nguyễn Thanh Quang, Phó chủ tịch Mpồl cau ling yau càr Daknông bè bơt bơtàu pràn kơldang broă lơh mpồl dê tàm nam pa do:

Lài ngan, dan ồng pà git bal bè ală srơh pơr lòng kờ` gơboh dà lơgar bơh mpồl dê tàm nam pa do?

Ồng Nguyễn Thanh Quang: Tàm nam pa do, mut lơh rơndap broă bơh mpồl cau ling yau càr dê mờ nam 2016 do geh dùl bơngă kuơ màng ngan, hơ\ là nam sơn rờp mpồl cau ling yau càr mut lơh jat kơrnuat bơh pơrjum Đảng ală kơnă dê, mơkung là nam lồi dut nàng mut lơh rơndap broă jai pha lơh jat kơrnuat mpồl Đảng mpồl cau ling yau ală kơnă nàng rơcang tus tơngai lơh broă tus tàm nam 2017. Đal git kơnòl tàm tơngai tus den tàm nam 2016, mpồl cau ling yau neh mut lơh uă broă lơh. Lài ngan là broă lơh pơr lòng kờ` gơboh dà lơgar, bol a` pơnjat tai lam lơh srơh pơr lòng cau ling yau lam lài mờ tơngume “ 2 ngan rlau jơh, 3 đòm jat”. Ală broă lơh bè tơngume “ 2 ngan rlau jơh, 3 đòm jat” bol a` mut lơh jat tàm tơngume “ Bơsram mờ lơh jat ơnà jak Bác Hồ”. Srơh do bol a` đal git là geh pơgồp bal mờ bơta bơsram mờ lơh jat ơnà jak Bác Hồ jat kơrnuat sồr sồ 3. Tơngai pa do ngan rlau jơh là 6 nhai lồi nam, bol a` neh lơh jơh rơndap broă 5 nam mờ rơndap broă nam 2017 dê nàng rơcang mut lơh jat kơrnuat sồr sồ 5 bơh Bộ Chính trị dê.

Ồng gơtùi đơs loh rlau bè cồng nha lơh geh tu\ mut lơh niam ală broă lơh kờ` gơboh dà lơgar?

Ồng Nguyễn Thanh Quang: Bơh broă lơh pơr lòng kờ` gơboh dà lơgar tàm ală nam do, mpồl cau ling yau càr neh lơh geh uă cồng nha. Lài ngan là git wă bè nùs nhơm gùng dră bal, kuang bàng cau tàm mpồl cau ling yau uă ngan ală oh mi git bơnă he dê. Kuơ màng ală oh mi sùm gàr kơ\ bơhìan cau ling wa Hồ. Lam lài lơh tờm, bơceh pa, tă pơgồp dà kơl hề, tă pơgồp phan bơna, priă jền nàng mut lơh niam ală srơh bơh [òn lơgar dê, kuơ màng là srơh bơt bơtàu [òn lơgar pa. Bơh srơh do, bơh git wă nùs nhơm hơ\ neh tam gơl gơs broă lơh bơh cau ling yau tàm [òn lơgar dê ndrờm bè ală oh mi gam gàr kơ\ ală gơnoar, bơngă lơh tờm tàm srơh pơr lòng kờ` gơboh dà lơgar tàm [òn lơgar, ală broă lơh kac màng, jơnau kờ` dà lơgar mờ uă cồng nha geh pơn rơ. Ală oh mi tă pơgồp priă git nđờ tơmàn, git nđờ jơt rbô ngai lơh broă nàng tus bal bơt bơtàu [òn lơgar pa. Bal mờ hơ\, ală cau ling yau tus bal lơh niam broă pơgồp bal gàr niam ngap lơngai gùng dră bal, bè bơt bơtàu, gàr niam rài kis chài rơgơi den do kung là ală khà tơl bơt bơtàu [òn lơgar pa, mờ broă lơh bơt bơtàu [òn lơgar pa cau ling yau kung gam gàr bơngă lơh tờm tàm [òn lơgar tàm broă mblàng yal, lam sồr, den tàng bơta gơ hòi gơ jà, bơta gơ rề bơh srơh pơr lòng kờ` gơboh dà lơgar dê ơnàng ngan, ờ mìng tàm cau ling yau mờ gam tàm gùt làng bol.

Ồng gơtùi yal ală broă lơh ngan ngồn tàm nam pa do cèng wơl bơta gơ rềng uă tàm mpồl bơtìan làh ờ, ơ ồng?

Ồng Nguyễn Thanh Quang: Tàm gah dơ\ 2 mờ bol a` mut lơh geh cồng nha bơh kơrnuat pơrjum dê, tàm cồng nha do là kơnòl gùng dră bal bơh Đảng mờ mpồl dê. Bơh hơ\, bol a` neh tus bal uă broă lơh geh kuơ ngan ngồn. Pơn yơu bè tus bal mblàng yal, bơto bơtê bơhìan yau. Mùl màl là bol a` sùm bơyai lơh ală broă lơh tìp mat, jờng rơ, pơn yơu nam pa do bol a` bơyai lơh jờng rơ cau ling sồt să lơh sa kă bro jak, bơyai lơh tìp mat ờs mờng di tơngkah ngai pha lin Điện Biên Phủ tus mờ ală cau ling yau neh geh tu\ tus bal tam lơh tam dră bol sò tơm Tây. Jơh ală broă lơh do bol a` pơgồp bal krà` cê ngan mờ mpồl ơruh pơnu, bơh broă lơh do bol a` pơnjat tai tơnguh bơngă bơh cau ling yau dê, chul chồl, bơtàu tơnguh tai nùs nhơm tam klac cau ling bal. Bal mờ hơ\ bol a` kung pơgồp bơnah bơto bơtê rơnàng kơnòm să in git loh rài khin cha jak chài kac màng, nùs nhơm kac màng, bơh hơ\ bơt bơtàu ơruh pơnu geh nùs nhơm git brồ guh tàm rài kis tu\ do nàng tus bal tă pơgồp bơta pràn cau kơnòm să dê tàm broă lơh kac màng jơi bơtìan, Đảng dê mờ kuơ màng tàm broă lơh ki\ jơnau pơrgon bơtàu tơnguh lơh sa mpồl bơtiàn, sền gàr ngap lơngai, sền gàr dà lơgar tàm càr, mut lơh geh cồng nha kơrnuat bơh mpồl Đảng càr dê niam rlau.

Pơnjat tai chồl pràn rlau ală srơh pơr lòng kờ` gơboh dà lơgar tàm mpồl tàm tơngai tus, mpồl cau ling yau càr Daknông geh mut lơh ală broă lơh lơi, ơ ồng?

Ồng Nguyễn Thanh Quang: Bơh nùs nhơm do, tàm nam 2017 là nam geh bơyai lơh pơrjum mpồl cau ling yau ală kơnă den srơh pơr lòng kờ` gơboh dà lơgar bol a` geh pơnjat tai chồl pràn rlau nàng lơh geh cồng nha dờng ngan rlau jơh gờm chờ pơrjum, pơrjum bơh [òn lơgar tus dà lơgar. Bơh tu\ do mơ, ală broă lơh pơr lòng kờ` gơboh dà lơgar bơh mpồl cau ling yau dê neh sơn đờm mut lơh, kuơ màng là broă lơh pơr lòng kờ` gơboh dà lơgar gờm chờ pơrjum tàm [òn lơgar. Ală broă lơh bè pơr lòng kờ` gơboh dà lơgar mờ ală broă lơh ndai tàm mpồl cau ling yau mờ broă pơr lòng mut lơh kơnòl gùng dră bal mpồl dê, Đảng dê tàm càr sùm geh ală kơnă mpồl sền gròi ngan.

Ưn ngài ồng uă ngan!

        Cau cih mờ yal tơnggit K’Duẩn