VOV4.K’ho- Tàm bơta lơh sa kal ke tơnơ\ tơngai gơlik geh kòp Covid-19 jo\ jòng, lơh mbè lơi nàng dong làng bol in bơtàu tơnguh mờ lơh niam wơl lơh sa gam là bơta sền gròi bơh gơnoar atbồ ală tịah, ală mpồl lơh broă mpồl bơtìan dê. Tàm Dak Lak, Mpồl cau ùr càr Dak Lak neh bơyai lơh pơrjum“ Tam pà bal bơta mờng chài gùng dà broă lơh sơlơ tơnguh lơh broă broă lơh lơh sa mpồl bơh cau ùr dê atbồ” là dùl dơ\ pơrjum dong oh mi cau ùr in geh tai bơta mờng chài lơh broă mpồl dong kờl bal mờ gơ\p bơtàu tơnguh lơh sa.

Tàm dơ\ pơrjum pa geh lơh tàm lồi  nhai 5 pa do, ală cau ala mat neh tơr gùm tam pà bal bàr pe tơngume tờm kuơ màng bè: Ală gùng dà, broă lơh dong kờl bơh Đảng, Dà lơgar dê dong kờl hợp tác xã, tổ hợp tác lơh broă geh cồng nha; Ală jơnau gơ jat bal, gơ rềng tus cồng nha lơh broă bơh Hợp tác xã dê mờ bơta mờng chài tàm broă atbồ, đơng lam Hợp tác xã lơh broă geh cồng nha; Ală broă Hội đồng quản trị Hợp tác xã pal sền gròi nàng đơng lam lơh broă bơh Hợp tác xã dê di mờ jơnau sồr bơh adat boh lam mờ tơnguh uă bơta niam lơh broă.

Ală cau ala mat cribơyai tàm dơ\ pơrjum

Pơrjum kung cribơyai bè broă hòi jà mpồl cau ùr, ngan là cau ùr kòn cau tus bal tàm mpồl Hợp tác xã; ală bơta kal ke, kòl yal tàm tu\ lơh broă Hợp tác xã dê. Broă atbồ mờ đơng lam; bơsong broă tac phan bơna bơh Hợp tác xã dê; ală bơta kal ke bơh Mpồl tam klăc cau ùr dê broă dong kờl crơng gơs ală Hợp tác xã halà tổ Hợp tác xã bơh cau ùr dê đơng lam. Bi H’ Huân Niê, mpồl tà` phan kòn cau ơm tàm [òn Tring 4, xã Ea Blang, thị xã Buôn Hồ đơs:

A` chờ hợp ngan tài bơh geh bơsram bơta mờng chài mờ geh tam pà tai ală bơta mờng chài bơh să tờm dê tus mờ ală oh mi. Mpồl tà` phan kòn cau bol a` dê ơm tàm [òn Tring 4 kung pa geh crơng gơs sơl den gam geh uă ngan bơta ờ hềt tơl. Den tàng a` kơ\p kờ` bơh broă lơh [òn lơgar do dê, Dà lơgar sền gròi mờ dong kờl uă rlau tai bè ală broă lơh dong kờl, bè dong kờl priă bơcri ai oh mi in nàng gơtùi lơh geh uă phan bơna rlau tai nàng yal tơng^t phan bơna kòn cau Rơđê dê tus tàm drà kă bro tàm lơgar mờ lơgar ndai, kung nàng kờ` prăp gàr mờ ngui niam bơta niam chài is jơi bơtìan kòn cau he dê.

Ală mpồl cau ùr mờ ala mat Hợp tác xã ki\ hơ broă lơh pơ gồp bal

Jat mò Trần Thị Phong, Phó chủ tịch Mpồl cau ùr càr Dak Lak dê đơs, ală tơngume tàm dơ\ pơrjum geh pơ gồp bơnah pơlam ală gùng dà broă lơh geh cồng nha, là bơnàng jă nàng pơn jat tai đơng lam, hòi jà mờ dong kờl ală dơ\ pơrjum tă bơsong bơta kal ke, pơn jat tai crơng gơs mờ tơnguh uă cồng nha lơh broă sa mpồl tàm tơngai tus.

 Kơ\p kờ` là bơh anih tàm tơr bo\ bal bơh Hợp tác xã dơ\ do dê pa tơlik mat den geh uă phan bơna bơh oh mi dê sơn đờm mut lơh broă kung bè ală phan bơna bơh Hợp tác xã mờ tổ Hợp tác dê geh tàm tơr bo\ bal nàng tăc lơh mbè lơi nàng gàr niam drà kă bro phan bơna gơ in kơ\ kơl jap, nàng lòt bal mờ ală Hợp tác xã mờ tổ Hợp tác xã nàng tăc geh ală phan bơna bơh oh mi dê lơh gơlik.

Ală phan bơna geh ràng tơlik tàm anih tàm tơr bo\\ bal geh uă cau sền gròi mờ jòi g^t

Di dơ\ do, Mpồl tam klăc cau ùr càr Dak Lak neh yal bè jơnau “ Phan bơna sơn đờm mut lơh broă cau ùr càr Dak Lak dê tàm pang web Mpồng yal tơng^t jơnau điện tử càr dê. Mơkung bơyai lơh ki\ hơ mờ Hợp tác xã tàm tơr bo\ bal phan bơna sơn đờm mut lơh broă bơh cau ùr dê tàm anih yal tơng^t phan bơna tàm hìu sồ 99 gùng Nguyễn Khuyến, [òn dờng Buôn Ma Thuột, càr Dak Lak. Ồng Nguyễn Phi Hồng Ngọc, Kuang atbồ Hợp tác xã drơng broă lơh sa suơn sre hữu cơ Dak Lak dê pà g^t: tơnơ\ dơ\ ki\ hơ, mpồl geh sơlơ tơngguh dong kờl ală phan bơna tus bal tàm ală anih lơh gơlik phan geh tus rềp rlau mờ năc blơi phan.

Đah bol a` geh tìp mat tơn mờ ală Hợp tác xã bơh cau ùr dê mờ pơgồp bal mờ ală Hợp tác xã nàng tơnguh uă rlau bơta niam phan bơna dê. Ngui ală công nghệ lơh tơnguh priă tăc phan bơna; kă bro điện tử tàm Website Hợp tác xã dê mờ tàm tơr bo\ bal tàm ală phan ngui sa kloh niam mờ Hợp tác xã neh lơh tus pơgăp 12 càr, [òn dờng tàm gùt lơgar.

Tàm bơta kal ke, kờ` ngan lơh broă bal nàng tơnguh uă cồng nha lơh sa. Ală broă lơh mpồl ală bơta tổ hợp tác geh dong oh mi cau ùr in kơ\ kơl jap bơta pin dờn, geh tai bơta pràn bal mờ gơ\p bơtàu tơnguh lơh sa tàm bơta pràn; bơta geh lài bơh ù tiah Tây Nguyên dê, pờ tơlik ală tu\ tơngai bơtoah tơnguh priă lơh geh ai hìu bơnhă mờ mpồl bơtìan in.

Cau cih H’Xíu H’mốc – Cau mblàng K’ Hạnh