VOV4.K’ho – Ngai òr 17/01, Mpồl Cih sră lơh bơta niam chài càr Dak Nông bơyai lơh Pơrjum tơn jơh broă lơh nam 2015 mờ mu\t lơh broă rơndăp lơh mờ kơnòl broă nam 2016. Jat jơnau yal, nam 2015, lơh broă cih sră lơh bơta niam chài càr Dak Nông lơh geh uă cồng nha pal cih dờp ngan, broă bơceh cih jơnau geh bơta jak chài bè jơnau cih kung bè bơta niam jơnau cih dê, pơgồp bơnah drơng niam kơnòl broă gùng dră bal bơh càr dê. Mơya, bal mờ ală cồng nha lơh geh, den lơh broă cih sră lơh bơta niam chài càr Dak Nông dê kung gam tìp uă bơta kal ke, kòl yan bè khà jơnau cih pơyua tus Pang bău Nam Nung in uă mơya cồng nha ờ hềt uă. Jơnau cih đơs bè rài kis mờ bơta chài rơgơi bơh làng bol ală kòn cau ơm kis bơh yau dùl bă tiah gam ờ hềt uă. Bàr pe mpồl cih sră lơh bơta niam chài ờ hềt lam lơh broă, ờ hềt jơh nùs tàm broă lơh jòi sơnơng, sền go\, bơto pơlam, lơh geh mpồl cau mờ tơmu\t pa tàm mpồl…

Cau cih mờ yal tơngi\t- Lơ Mu K’ Yến