VOV4.K’ho – Mpồl duh broă ala mat ală mpồl cribơyai lơgar Tây Mờ Việt Nam pơyua jơnau sồr tus kuang atbồ lơgar, Gơnoar atbồ lơgar mờ gơnoar ala mat dà lơgar Tây; tus gơnoar ala mat mờ anih duh broă châu Âu; tus anih ala mat lơgar Lo, Mỹ, ală lơgar ASEAN mờ ală lơgar dờng ndai tàm lơgar Tây, sồr Lo sền dờng màng kơrnuat bơh anih cah rơ`a kòn gùng mblàng ngai 12/7 pa do. Jơnau sồr bơh Mpồl duh broă ala mat ală mpồl cribơyai lơgar Tây mờ Việt Nam đơs tờm: ală cau lơgar Tây mờ cau châu Âu jơi Viẹt Nam di mpồl duh broă ala mat ală mpồl cribơyai lơgar Tây mờ Việt nam, hòi jà Gơnoar atbồ lơgar mờ anih lơh broă gùng dră bal lơgar Tây, Mpồl tam klac châu Âu, Mỹ, ASEAN… lơh te\ ală bơta kuơ màng nàng sồr Lo sền dờng màng kơrnuat bơh anih cah rơ`a kòn gùng, sền dờng màng jơnau pơrgon bơh anih duh broă dunia dê bè adat dà lềng; tơn jơh broă bơt bơtàu tìs mờ kơrnuat boh lam ală bồt bơh kòn bơnus lơh gơlik geh pơn rơ mờ tam gơl gơs broă lơh ling klàng ală bồt do, tơn jơh ală broă lơh kơryan tìs mờ kơrnuat boh lam cau lơh ka Việt Nam.

        Cau cih mờ yal tơnggit K’ Duẩn.