VOV4.K’ho - Mpồl Đak Tô – Quân đoàn 3, tàm càr Kon Tum pa bơyai lơh tơnkah 44 nam ngai crơng gơs mpồl (20/9/1972-20/9/2016). Neh rơlao 44 nam bơ\t bơtàu mờ gơs dờng pràn, kuang bàng, cau ling tàm Mpồl Đak Tô neh lơh geh uă cồng nha jăk chài. Mpồl neh 2 dơ\ geh Đảng, geh jàu gai lòng Hồ Chí Minh; 12 nơm gai lòng quân công; 36 nơm gai lòng chiến công ală bơta mờ uă khà pơn jờng kuơ màng ndai.

Mpồl Đak Tô geh crơng gơs tềng jơng bơnơm Cư\ Mang Mrai, kơnhoàl Sa Thầy, càr Kon Tum tàm ngai 20 nhai 9 nam 1972, geh 3 Trung đoàn bộ binh: 66, 28, 95 mờ 8 Tiểu đoàn binh chủng kỹ thuật. Do ndrờm là ală mpồl ling geh uă bơhiàn jăk chài mờ uă nam đềt mềr mờ ù tiah tam lơh Tây Nguyên.

Tơnơ\ mờ tu\ crơng gơs, Mpồl Đak Tô neh lơh geh uă cồng nha dờng màng, tam lơh pha lin tàm dơ\ tus Bắc Bình Vương bơh mpồl ling sò tơm, mu\t tơnklàs jơh ală tiah geh mpồl ling Mỹ-Nguỵ bơh Đak Pét tus [òn drà Kon Tum. Tàm tam lơh tơnklàs Tây Nguyên, mpồl ling Đak Tô neh lơh gơs jăk chài kơnòl geh jàu, lơh geh cồng nha mpồl sơndră tàm Đức Lập, tus bal tơnklàs Buôn Ma Thuột, tơnklàs Nha Trang mờ mpồl ling tàm anih ơhò ơm Cam Ranh. Tàm tam lơh Hồ Chí Minh, 1 dơ\ tai, Mpồl Đak Tô geh jàu kơnòl sơgràm [làng rơndeh par Tân Sơn Nhất, mpồl đơng lam Nguỵ bal mờ ală mpồl ling ndai tơnklàs Sài Gòn.

Tàm tam lơh sền gàr tiah nhàr dà lơgar hờ đah jum măt tơngai mu\t mờ tàm broă lơh jăt kơnòl dunia tàm lơgar Campuchia, Mpồl Đak Tô pơn jăt tai neh lơh geh uă cồng nha dờng màng, pơgồp bal tàm broă sền gàr kơl jăp gùng nhàr dà lơgar mờ tơnklàs làng bol lơgar Campuchia l^k klàs rài gơsơ\t rung.

Bơh bồ nam 1987 tus tu\ do, jăt kơnòl sồr, Mpồl Đak Tô tus wơl tàm Kon Tum, sùm lơh gơs jăk chài kơnòl tàp ling, tu\ lơi kung rơcang tam lơh mờ bơ\t bơtàu mpồl ling pràn kơl dang tơl ală bơta. Thượng tá Nguyễn Thanh Phong, Kuang geh jơng tàm mpồl đơng lam Đảng Mpồl Đak Tô pà g^t: tàm ală bơta lơi, kuang bàng, cau ling tàm Mpồl Đak Tô kung sùm tơnguh nùs nhơm cau ling wa Hồ dê, tu\ lơi kung rơcang tam lơh, phi să tài bơta krơi is dà lơgar, tài bơta lơngăp lơngai làng bol. Tơnkah 44 nam ngai crơng gơs là dơ\ kờ` kuang bàng, cau ling tàm Sư đoàn wă uă rơlao tai bè bơhiàn jăk chài mpồl dê. Thượng tá Nguyễn Thanh Phong đơs: “Di tơnkah 44 nam ngai bơhiàn Sư đoàn, Sư đoàn neh geh broă lơh kờ` tơl nă kuang bàng, cau ling geh bơsram broă lơh tàm sư đoàn dê, kờ` wă rơlao tai bè bơhiàn, go\ do là broă lơh pơnyờ să. Mờ ală broă lơh mùl màl, kuang bàng, đơng lam uă ngan là tơnguh bơta pràn rơcang tam lơh bơh ală kuang bàng, cau ling tơnguh bơta ngăc ngar, jăk chài, niam tàm broă tàp ling kờ` bơ\t bơtàu Sư đoàn pràn kơl dang tơl mờ ală bơta”.

Pơn jăt tai mờ tơnguh bơhiàn jăk chài, kuang bàng, cau ling tàm Mpồl Đak Tô tu\ do sùm lơh gơs jăk chài kơnòl geh jàu. Cồng nha tàp ling tàm mpồl sùm geh bơta niam uă. Ală tơngu me tàp ling hờ bơdìh, ntrờm mhar, tàp mờ bơta tơnguh uă, tàp tàm trồ mang mờ tàp pơgồp bal mờ ling binh chủng sùm geh Mpồl Đak Tô lơh jăt nền nòn. Kuơ màng ngan, broă pơgồp bal bơh bơta niam ling klàng Việt Nam mờ bơhiàn bơh Sư đoàn dê bal mờ bơta niam ling klàng pa, geh ngui phào crong pa sùm geh Mpồl Đak Tô sền kuơ. Bơdìh hơ\ tai, kơnòl sền gàr rơcang tam lơh, tam gơl bơh rài lơngăp lơngai tus rài tam lơh, sùm geh mpồl ling lơh gơs jăk chài. Sền cồng nha tàp ling, rơcang tam lơh, Đại tá Trần Đình Việt, Kuang atbồ Sư đoàn Mpồl Đak Tô pà g^t: “Tềng đăp mờ broă kờ` lơh sơlơ ngai sơlơ uă tus mờ kơnòl sền gàr dà lơgar, kuang bàng đơng lam sư đoàn ai tơl^k broă lơh lài ngan là tơnguh bơta niam tơrgùm bal, bơta pràn rơcang tam lơh tus khà pa. Lơh ngan 100% khà mpồl ling rơcang tam lơh niam, 100% khà tơngu me tàp ling geh bơh di pal rơlao hờ đang, tàm hơ\ cau jăk rơlao 85%. Rơlao 75% khà anih lơh broă geh khà pràn kơl dang tơl ală bơta kờ` pơn jăt tai tơngo\ rùp rài cau ling wa Hồ mờ bơhiàn Sư đoàn 2 dơ\ khin cha jăk chài”.

Tàm ală nam do, Mpồl Đak Tô sùm sền kuơ broă lơh jăt niam broă lam sồr làng bol, tơl^k broă lơh kah ưn ngài, g^t jơnau bal mờ kuang bàng, làng bol ală kòn cau tàm càr Kon Tum – do là tiah mờ Mpồl Đak Tô neh tam lơh, mờ gơs dờng pràn. Ală mpồl ling tàm Mpồl Đak Tô neh lơh oh mi mờ rơlao 90 [òn tàm tiah geh pôs ling lơh broă. Pah nam, Mpồl Đak Tô dong kờl làng bol rơlao 1 rơbô 200 ngai lơh broă kờ` lơh gùng lòt, lơh bơtơ\t rơbòng dà, lơh hìu ơm, toah wàs rơbòng dà, rồ sre lơh kòi… Bơdìh hơ\ tai, kuang bàng, cau ling tàm ală mpồl ling sùm tus kham, sơm kòp, dong kờl hìu rơ[ah lơh ală broă tơnguh bơtàu lơh sa, còp pà phan ală hìu nhă geh sră dong kờl bơh dà lơgar… Mờ nùs nhơm tài làng bol, rùp rài cau ling Mpồl Đak Tô neh đềt mềr mờ làng bol càr Kon Tum. Bi A U Thành, kis tàm [òn 5A, ntum Đak Kôi, kơnhoàl Kon Braih  do là 1 tàm 2 hìu rơ[ah pa geh Mpồl Đak Tô lơh pà 1 nơm hìu geh rơlao 90 tơlăk priă pà g^t: “A` chờ hờp ngan, geh broă sền gròi bơh Sư đoàn 10 lơh gơs 1 nơm hìu. A` ờ tu\ lơi kơlôi là geh lơh gơs 1 nơm hìu niam bè do. Hìu nhă a` tu\ do sào sa ờ gam ngòt tơngai sòl, `hăp dà tu\ trồ mìu tai. A` ưn ngài uă ngan tus mờ cau ling tàm Sư đoàn 10 neh lơh hìu a` in”.

Kuang bàng, cau ling tàm mpồl Đak Tô sùm sền broă bơsram mờ lơh jăt ơnà jăk Bác Hồ dê là broă lơh mùl màl kờ` pơn jăt tai mờ tơnguh bơhiàn jăk chài Sư đoàn dê. Kơnờm mờ hơ\, tàm tơl rài, tơl tơngai ndrờm geh ală cau pơnrơ jăk bè broă bơsram mờ lơh jăt ơnà jăk Bác Hồ dê. Tiểu đoàn 3, Trung đoàn H8 khin cha jăk chài ờ mìng tàp ling jăk, lam sồr làng bol jăk mờ gam là Trung đoàn geh pơnrơ ngan tàm broă bơto bơtê bơhiàn jăk chài ală rài tơnơ\ in mờ geh pơnrơ jăk bè broă bơ\t bơtàu mpồl ling tơlir kloh niam. Đại uý Đặng Việt Hùng, kuang bàng geh jơng gah gùng dră bal Tiểu đoàn 3, Trung đoàn H8, Mpồl Đak Tô pà g^t: “Tu\ geh jơnau sồr rơcang tam lơh ha là geh kơnòl lơi kal ke bol a` sùm ai nùs nhơm niam cau ling wa Hồ dê kờ` tam klăc bal lơh ală kơnòl geh Đảng, Dà lơgar bal mờ mpồl ling jàu”.

Mờ ală cồng nha jăk chài neh geh tàm rài tam lơh lài do kung bè rài lơngăp lơngai, Mpồl Đak Tô neh 2 dơ\ pơnyờ să geh Đảng, Dà lơgar pơn jờng là Mpồl khin cha jăk chài mpồl ling klàng làng bol dê. Tàm Sư đoàn geh 3 Trung đoàn, 5 Tiểu đoàn, 7 Đại độ mờ 9 nă kuang bàng, cau ling geh pơn jờng cau ling khin cha jăk chài. Sư đoàn geh jàu gai lòng Hồ Chí Minh; 12 nơm gai lòng quân công; 36 nơm gai lòng chiến công ală bơta mờ uă khà pơn jờng kuơ màng ndai. Pơn jăt mờ tơnguh bơhiàn jăk chài, mpồl kuang bàng, cau ling Mpồl Đak Tô tu\ do gam pơn jăt tai lơh geh khà jăk chài 44 nam tam lơh, bơ\t bơtàu mờ dờng pràn mpồl ling do dê.

       Cau cih mờ yal tơng^t Ndong Brawl