VOV4.K’ho – Drim òr 29/02, tàm Hìu Pơrjum Gah Sền gàr dà lơgar, Mpồl dong broă Dà lơgar bơyai lơh dơ\ tơngkah 50 nam Ngai bơhiàn gah dong broă Đảng mờ dờp Gai lòng Lơh broă khà dùl. Nàng sền gàr bơta đơng lam bơh Đảng dê tus mờ broă lơh bơ\t bơtàu Dà lơgar mờ adat boh lam, drơng broă lơh bơ\t bơtàu mờ sền gàr dà lơgar, Đảng neh gờn crơng gơs, lơh kơ\ kơl jăp mờ pràn kơldang rlau anih lơh broă dong broă bơh Đảng dê bè broă lơh dong broă. Bơh tơngai sơn rờp pa crơng gơs tơn, Mpồl dong broă dà lơgar mờ gah dong broă Đảng neh brồ guh bơhiàn, sơr lèt gan kal ke, lơh ngan pơđơl pràn, rơcang lài, bơceh pa, lơh gơs jak ngan kơnòl broă, lơh geh cồng nha tơl làm ngan tàm jơh ală broă. Mpồl dong broă dà lơgar neh dong broă ai Gah Gùng dră bal dà lơgar, Mpồl đơng lam Đảng dà lơgar, Mpồl đơng lam dà lơgar bè rơcang sơndră sa kuề sa kùa ală broă lơh tờm kuơmàng, ală bơnah, ală broă kal ke, kòl yăn, ală bơta kal ke tàm broă lơh dong broă mờ rơcang sơndră sa kuề sa kùa nàng tơrgùm đơng lam, atbồ; Rơcang lài yal mờ Mpồl đơng lam in săc rơ wah ală dơ\ lơh tìs, ală broă sa kuề sa kùa dờng, kal ke, mpồl bơtiàn sền gròi uă tơmu\t tàm broă pal jat sền đơng lam. Ala mat kuang đơng lam Đảng, Dà lơgar jàu pà Gai lòng Lơh broă khà dùl ai Mpồl dong broă dà lơgar in, ồng Đinh Thế Huynh kuang geh jơng Gah Gùng dră bal dà lơgar, lơh broă sùm tàm Mpồl đơng lam Đảng dà lơgar sồr Mpồl dong broă dà lơgar gi\t wa\ jrô ơnàng rlau tai bè kơnòl broă, gơnoar broă bơh Mpồl dê bal mờ gơnoar broă là anih lơh broă dong broă bơh Đảng dê bè broă dong broă mờ rơcang sơndră sa kuề sa kùa, mơkung dan ală gùng dà broă lơh dờng bè broă dong broă mờ rơcang sơndră sa kuề sa kùa, kờn bơta đơng lam geh cồng nha bơh Đảng dê tus mờ broă lơh dong broă mờ rơcang sơndră sa kuề sa kùa.  

Cau cih mờ yal tơngi\t- Lơ Mu K’ Yến