VOV4.K’ho – Drim òr 18/12, tàm hìu pơrjum mpồl đơng lam Đảng càr, mpồl dong kờl bơsram càr Lâm Đồng bơyai lơh pơrjum cau ala mat kơnă 4 ( tơngai lơh broă bơh nam 2015 tus nam 2020). Đơs tàm dơ\ pơrjum, ồng Trần Đức Quận kuang jat jơng atbồ mpồl đơng lam Đảng càr Lâm Đồng jờng rơ mờ cih dờp ală cồng nha mờ mpồl dong kờl bơsram càr neh lơh geh tàm tơngai lài. Ồng sồr mpồl dong kờl bơsram càr pơnjat tai mblàng mut ngui kơrnuat sồr sồ 11 bơh Gah gùng dră bal dà lơgar dê bè “ Sơlơ tơnguh đơng lam bồ bơh Đảng dê tus mờ broă dong kờl bơsram, dong kờl cau jak chài bơt bơtàu mpồl bơtiàn bơsram sră”; pơnjat tai lơh niam broă mblàng yal, tơnguh git wă bơh tơl rơnàng làng bol dê bè dong kờl bơsram, dong kờl cau jak chài, bơt bơtàu mpồl bơtiàn bơsram sră. Di tu\ do, mpồl đơng lam Đảng càr Lâm Đồng neh pà mpồl dong kờl bơsram càr in tơr`ang geh cih “ Jơh nùs, geh kơnòl tài broă lơh dong kờl bơsram, dong kờl cau jak chài, bơt bơtàu mpồl bơtiàn bơsram sră.”

                                                                      Cau cih mờ yal tơngit K’ Duẩn.