VOV4.K’ho- Ala mờ broă ơm rlô, sa bơkah sền gàr pràn kơl dang să jan tàm sơnam neh kra, uă cau ling yau tàm thị trấn Lạc Dương, kơnhoàl Lạc Dương, càr Lâm Đồng bal mờ gơ\p crơng gơs Mpồl crùh ồs sa, dong kờl cau gơbàn rềs àr nàng dong kờl mpồl bơtìan. Jơh mpồl sa piang hìu bơnhă, lơh broă is geh kuơ bal, mơya cau lơi kung jơh nùs, dong ală hìu bơnhă sền gàr phan bơna mờ dong kờl di tu\ ală năc tus nhơl tàm tiah do tu\ tìp broă ờ niam gơlik geh.

Tơnơ\ mờr 5 nhai gơlik geh dơ\ ồs sa tus tu\ do hìu bơnhă bi Phạm Văn Phương ơm tàm tổ dân phố Đăng Gia Rít B, thị trấn Lạc Dương, kơnhoàl Lạc Dương kung gam kah bè ờs sơl broă dong kờl jơh nùs bơh ală cau tàm mpồl dong kờl is, mpồl crùh ồs sa, dong kờl cau gơbàn rềs àr cau ling yau thị trấn Lạc Dương dê. Bi Phương pà g^t, dilah ờ geh mpồl do, jơh jơ tài phan bơna bơh ùr bơ klàu bi dê gơtìp ồs sa pơr gu\c jơh.

              Ală cau ling yau thị trấn Lạc Dương tus bal Mpồl cruh ồs sa, dong kờl cau gơbàn rềs àr ờ geh priă nhai 

Dơ\ ồs sa lơh hìu bơnhă a` hoàc hươr pơgap 1 tơmàn đong. Kung bơ toah ngan geh Mpồl crùh ồs sa bơh thị trấn dê, dilah ờ den ồs sa gơ rề jơh tàm tiah do ờ di mìng là 1 nơm hìu bơnhă a` lơm gời.

Ờ mìng dong kờl làng bol tàm ù tiah kơnhoàl Lạc Dương dê lơm gời Mpồl crùh ồs sa, dong kờl cau gơbàn rềs àr thị trấn Lạc Dương gam tus bal dong kờl cau gơbàn rềs àr tàm uă tiah ndai bơh càr dê sơl, dong kờl năc lòt nhơl dilah ờ g^t gùng halà gơ pơr wề tàm brê. Ồng Nguyễn Phục Quốc, dùl nă cau tàm mpồl crùh ồs sa, dong kờl cau gơbàn rềs àr thị trấn Lạc Dương đơs, ală cau tàm mpồl lơh broă mờ nùs nhơm is, kung ờ kờp bal ngai halà mang sơl.

Geh uă năc lòt tàm brê nhơl gơ kòl, uă cau ờ g^t gùng lòt den ală oh mi tàm mpồl ai tơn mpồl lòt tus dong kờl ờ kờp ngai halà mang. Mpồl sùm lơh broă dong kờl tơl nă cau mờ năc lòt nhơl mơya ờ tu\ lơi ai priă jền.

Tơnơ\ mờr 3 nam crơng gơs, Mpồl cruh ồs sa mờ dong kờl rềs àr thị trấn Lạc Dương neh bal mờ Kảnh sát crùh ồs sa càr dê di tu\ dong kờl 10 dơ\; dong kờl rềs àr, dong kờl di tu\ uă cau, bơyai lơh g^t nđờ rơhiang dơ\ mblàng yal jơnau rcang sơn dră ồs sa, bơr toh tus mờ làng bol.

Cau ling yau Đặng Ngọc Hiệp, cau crơng gơs mpồl crùh ồs sa, dong kờl cau gơbàn rềs àr thị trấn Lạc Dương, đơs: ală tă pơ gồp ngan ngồn tàm mpồl bơtìan neh gơ gơs là bơta gơn kơnờm nàng ồng mờ 2,3 nă cau tàm mpồl  in tus bal uă broă lơh dong kờl ndai tai.

Bơh sơn rờp a` go\ broă lơh do kung ngòt rngơ\t ngan sơl, tài bơh gơ rềng tus màng kis. Ngan là tàm trồ mang di lah geh mìu càl rbu\t dờng, càl pồt, dà ko\ dà cò den a` pal tus bal. Tàm hìu bơnhă kung geh bơta ki kuơ sơl, mơya tơnơ\ tu\ go\ a` tus bal ală broă lơh geh kuơ do den bau ùr mờ kòn kung dùl nùs bal sơl. Bơdìh mờ broă lơh crùh ồs sa, dong kờl cau gơbàn rềs àr den a` kung tus bal ală broă lơh mpồl bơtìan bè jòi [ồc cau ling chơ\t màng, dong ală  mpồl geh nùs nhơm niam jun ală phan bơna kờ` pal geh tus mờ làng bol tiah sar lơgar ngài in.

Bơh tu\ crơng gơs mìng geh 10 nă cau, uă ngan là ală cau ling yau, tus tu\ do mpồl dong kờl is crùh ồs sa thị trấn Lạc Dương neh dờng mờ pràn rlau 5 dơ\ bal mờ 64 nă cau. Ală broă lơh geh kuơ bơh cau ling yau tàm mpồl dê đơs is mờ jơh bal Mpồl dong kờl is crùh ồs sa dê đơs bal, ờ mìng dùl dơ\ tai tơng go\ nùs nhơm cau ling wa Hồ dê mờ gam pơgồp bơnah pơn jờng, rề ơ nàng nùs nhơm dong kờl is tài mpồl bơtìan, bal mờ Đảng bộ gơnoar atbồ tiah do dê dong Lạc Dương in sơlơ bơtàu tơnguh.

Cau cih Tuấn Anh- Cau mblàng K’ Hạnh