VOV4.K’ho - Tềng đap bơta mìu dà ko\ dà cò lơh gơbàn hoàc huơr kơn jơ\ ngan tus ală càr tàm gùl lơgar, mpồl dong kờl sơnơm tơmba phan bơna dà lơgar Việt Nam dong kờl phan bơna mờ priă dơ\ 3, kờp tus 4 tơmàn 200 tơlak priă. Tàm hơ\ geh mờr 3 tơmàn priă, 1 rbô 200 thùng phan hìu nhă in, 300 nơm phan lơh niam hìu đam, 15 nơm hìu bàk, 65 thùng lơh kloh dà Aquatab, rlau 500 thùng sơbong um bồ, mai\ jồr dà… ai ală càr gơtìp hoàc huơr kơn jơ\ ngan rlau jơh là Hà Tĩnh, Quảng Bình mờ Quảng Trị. Tu\ do, Mpồl dong kờl sơnơm tơmba phan bơna dà lơgar Việt Nam neh dờp bơta dong kờl mờ hơ pơrgon dong kờl ală càr tàm gùl lơgar gơtìp aniai tài bơh mìu dà ko\ dà cò nam 2016 bơh ală mpồl bal, cau dùl nă să tàm lơgar mờ lơgar geh rlau 17 tơmàn priă.

                  Cau cih mờ yal tơnggit K’ Duẩn.