VOV4.K’ho - Ngai òr (4/2), Mpồl đơng lam Đảng càr Daknông bơyai lơh pơrjum mut lơh broă lơh te\ khà kuang bàng Gơnoar ala mat dà lơgar mờ mpồl duh broă làng bol ală kơnă, tơngai lơh broă bơh nam 2016 tus nam 2021 tus mờ ală kuang bàng là kuang geh jơng tàm mpồl Đảng dà lơgar, kuang atbồ, kuang jat jơng atbồ mờ kuang geh jơng mpồl duh broă ala mat làng bol càr, kuang atbồ ală mpồl duh broă bơh mpồl duh broă ala mat làng bol càr; kuang atbồ, kuang jat jơng atbồ anih duh broă làng bol càr, anih duh broă gah tề lam gùng dră bal càr, kuang đơng lam bồ ală gah, mpồl lơh broă, mpồl bal càr dê; kuang đơng lam bồ kơnă Đảng, anih duh broă làng bol, gah, mpồl lơh broă ală knhàl, [òn drà… Đơs tàm pơrjum, ồng Lê Diễn kuang atbồ mpồl đơng lam Đảng càr Daknông đơs tờm, te\ khà kuang bàng gơnoar ala mat dà lơgar kơnă 14 mờ mpồl duh broă ala mat làng bol ală kơnă, tơngai bơh nam 2016 tus nam 2021 là dùl dơ\ pơrjum gùng dră bal dờng ngan, brồ guh gơnoar lơh tờm bơh làng bol dê. Den tàng ală kơnă, ală gah broă lơh, ală tiah pal nền nòn git nùs nhơm bơh ală kơrnuat sồr, kơrnuat nàng mut lơh kờ` dơ\ te\ khà geh lơh geh cồng nha.

                   Cau cih mờ yal tơnggit K’ Brọp