VOV4.K’ho – Ngai òr 13/11, mpồl lơh broă bơh Mpồl đơng lam dà lơgar bè broă lơh rơcang sơndră trồ tiah lơh aniai bơh ồng Phạm Hồng Hải, kuang jat jơng atbồ Gah yal tơngit mờ mblàng jơnau dà lơgar, kuang geh jơng tàm Mpồl đơng lam dà lơgar lơh kuang atbồ mpồl neh lơh broă mờ mpồl đơng lam rơcang sơndră trồ tiah lơh aniai mờ jòi dong kờl rềs àr càr Lâm Đồng bè broă lơh rơcang sơndră trồ tiah lơh aniai mờ jòi dong kờl rềs àr tàm càr tàm tơngai lài. Jơnau yal bơh càr Lâm Đồng dê đơs loh, kờp jơh hoàc huơr tài trồ tiah lơh aniai bơh bồ nam 2015 tus tu\ do tàm càr do là rlau 138 tơmàn priă. Tài gơ rềng bơh bơta El Nino den tàng trồ prang duh jo\ jòng neh lơh gơbàn bơta soat dà, lơh aniai tus rài kis mờ broă lơh sa làng bol dê. Tàm dơ\ lơh broă, ồng Phạm Hồng Hải sồr tàm tơngai tus, Lâm Đồng pal rơcang lài rlau tai tàm rơndap broă yal jơnau tơngit, mblàng yal bè Adat rơcang sơndră trồ tiah lơh aniai nàng tơnguh git wă làng bol in; rơcang lài sơndră mờ bơta ờ niam bơh tam gơl trồ tiah; lơh niam broă rơcang sơndră ồs sa brê, mblàng yal làng bol in ngui tềm pềr dà; rơcang lài niam mpồl cau lơh broă, phan bơna nàng rơcang sơndră di tu\ dilah trồ tiah lơh aniai gơlik geh…

                                                                Cau cih mờ yal tơngit K’ Duẩn.