VOV4.K’ho - Drim òr (06/07), Mpồl lơh broa\  sồ 3 bơh Mpồl đơng lam dà lơgar bè broa\ lơh sơndra\ sa kuề sa kùa bơh thượng tướng Ngô Xuân Lịch kuang tàm mpồl atbồ đơng lam Đảng dà lơgar, kuang atbồ Gah gùng dra\ bal ling klàng làng  bol Việt Nam, lơh kuang lam bồ, neh geh bùi lơh broa\ mờ mpồl đơng lam Đảng càr Gia Lai bè broa\ lơh rcang sơndra\ sa kuề sa kùa tàm càr. Jơnau yal tơnggit bơh mpồl đơng lam Đảng Gia Lai  ai go\,  tàm tơngai bơh nhai 1/2013-3/2015, bơh broa\ lơh yal ya\, cah r`a mờ broa\ lơh lùp sền, bơsong yal ya\, yal khài, càr Gia Lai neh git go\ mờ bơsong rlau 30 dơ\ broa\ lơh sa kuề sa kùa, 85 dơ\ gơbàn tìs lơh sa phan bơna…Jơnau yal tơnggit kung geh đơs loh ờ ua\ broa\ lơh sa kuề sa kùa, tìs lơh sa phan bơna mpờl go\ ngan, gơ hòi bơta sền gròi  bơh pơnrơ.

Mpồl đơng lam dà lơgar bè broa\ lơh sơndra\ sa kuề sa kùa lơh broa\ Mpồl đơng lam Đảng càr Gia Lai.

Thượng tướng Ngô Xuân Lịch sồr mpồl lơh broa\ geh lơh nền nòn mờ ala\ gah, sơnah lơh broa\ tàm càr Gia Lai, mut lơh broa\ lơh geh cồng nha niam. Thượng tướng Ngô Xuân  Lịch, đơs:“Bơh broa\  tus sền, pal mut lơh  kràn ngan, kơnòl mờ nùs nhơm broa\ lơh niam. Broa\ tus sền, lòt sền, a` tơng kah wơl,  ala\ kuang geh jơng tàm mpồl tus sền bơh ala\ gah, sơnah lơh broa\ di bơta kờ`,  bơta sồr mờ tơnggu me, geh bơta di pal jat broa\ geh jàu bơh mpồl đơng lam rcang sơndra\ sa kuề sa kùa dà lơgar. Sồr gah lơh broa\ sùm mpồl đơng lam Đảng càr, lam sồr ala\ gah, sơnah lơh broa\ pơnjat tai geh tus sền  broa\ lơh sra\ nggal, khà sồ mờ bơta ai cau lơh broa\ geh tus sền di bơta geh lòt sền”.

                                                Cau mblàng K’ Brọp