*Jơnau tơngit tàm lơgar.

Mho òr 29/12, mpồl pơlòng sồ 3, mpồl đơng lam Đảng ală mpồl lơh broă tàm càr Dak Nông geh 22 mpồl lơh broă geh anih lơh broă mpồl đơng lam Đảng càr Dak Nông lam bồ neh bơyai lơh tơn jơh broă pơlòng pơn jờng nam 2014. Jăt jơnau đơs tàm pơrjum pà go\, lơh jăt broă pơlòng nam 2014, ală mpồl cau geh Đảng tàm mpồl neh bơyai lơh jăt bal tus tơl nă kuang bàng, cau geh đảng kung bè bơ\t bơtàu rơndăp broă lơh jăt mùl màl. Tàm nam 2015, ală mpồl đơng lam đảng, anih lơh broă, mpồl lơh broă tàm mpồl pơlòng sồ 3 neh pơn jăt tai dờp bal kung bè chồl pràn ală broă pơlòng pơn jờng geh ală gah, mpồl lam sồr, ai tơl^k bơta pràn tơrgùm đơng lam lơh gơs kơnòl gùng dră bal geh jàu.

 Mpồl kơphe Buôn Ma Thuột, càr Dak Lak pa bơyai lơh pơrjum bè cồng nha mờ rơndap broă tàm broă lơh gơlik mờ kă bro kơphe krơi is tàm càr Dak Lak. Tàm dơ\ pơrjum, ală kuang bàng đơs là, broă bơtàu tơnguh kơphe krơi is tu\ do tàm càr Dak Lak gam gơtìp ờ uă bơta kal ke bè anih blơi,  tơnguh bơta niam phan lơh gơs, bơta tam klac bal mờ bơta kơ\ kơljap. Den tàng, pal mut lơh ringbal ală broă lơh bè tơnguh bơta chài atbồ mpồl lơh sa kă bro, mpồl lơh sa bal, mpồl lơh gơlik phan, sơ lơ kơ lôi sơ nơng bơtàu tơnguh drà kă bro, tac phan tàm dà lơgar, yal jơnau tơngit phan lơh gơs, gơ hòi, ngui ală rơndap broă, ngui dipal mờ sền gàr ù, dà, mut lơh ală broă lơh tam phan di mờ tam gơl trồ tiah, bơt bơtàu ròt phan lơh gơs kơ\ kơljap, bơt bơtàu broă lơh dipal, rề ơnàng ai càn priă mpồl lơh sa kă bro in.

 Ala mat mpồl lơh sa dờng CJ tàm lơagr Việt Nam pơgồp bal mờ gah bơto bơtê càr Lâm Đồng pa bơyai lơh pà 20 khà priă bơsram ai kơnòm bơsram riơ[ah bơsram jăk càr Lâm Đồng in, tơl khà priă geh 5 tơlăk priă, kờp jơh khà priă tàm dơ\ jàu khà priă bơsram do là 100 tơlăk priă. Do là dơ\ jàu khà priă bơsram dơ\ 2 bơh mpồl lơh sa dờng CJ dê ai ală kơnòm bơsram geh rài kis kal ke, bơsram jăk tàm càr Lâm Đồng in, neh g^t, mpồl lơh sa dờng CJ là 1 tàm ală mpồl lơh sa dờng geh pơnrơ ngan lơgar Hàn Quốc dê, tu\ do gam bơcri priă uă rơndăp broă lơh tàm lơgar Việt Nam, tàm hơ\ geh bal càr Lâm Đồng, tàm ală gah lơh phan geh lơh bơh broă lơh sa suơn sre, lơh gơs phan sa mờ bơto bơtê.

*Jơnau tơnggit dunia.

Gơnoar atbồ cau Palestin ngai òr 29/12, neh jun tus anih duh broă dunia pang sră rơndăp broă du\t ndơl bơh kơrnoăt hòi jà chồl pràn broă lơh 2 dà lơgar mờ ai tơngai 1 nam kờ` geh jơnau ring bal lơngăp lơngai mờ lơgar Israel mờ kơ\p kờ` tơn jơh broă sơgràm ală ù tiah cau Palestin tàm nam 2017. Anih yal tơng^t WAFA cau Palestin pà g^t, ồng Mahmoud Abbas kuang atbồ cau Palestin neh hòi điện thoại yal mờ ồng John Kerry kuang atbồ gah cri bơyai broă lơh bal mờ lơgar ndai lơgar Mỹ bè broă pơn jăt tai chồl pràn broă bơceh do, bu\ lah geh jơnau dră wơl bơh lơgar Mỹ mờ lơgar Israel dê.

 Mpồl sền gròi gơnuar kòn bơnus lơgar Syria geh anih lơh broă tàm lơgar Anh pà git, ling lềng dà lơgar Islam neh gơ sơt mờr 2 rbô nă cau tàm lơgar Syria tàm 6 nhai do. Jat kuang atbồ mpòl sền gròi gơnuar kòn bơnus lơgar Syria, tàm khà do geh 1 rbô 180 nă là làng bol. Ală cau gam wơl uă ngan là cau tàm jơi bơtiàn kòn cau Sheitaat, jat jơi Sunni tàm tiah đah mattơngai lik lơgar Syria neh tam dră wơl mpồl dà lơgar Islam sơ gràm 2 rơ gồng tơnhàu zờu bơh lơgar do dê. Bal mờ hơ\, ling lềng dà lơgar Islam gam lơh glài gơ sơt să tus mờ 120 nă cau tàm mpồl, jơh ală là cau lơgar ndai tu\ khi jòi gùng nàng dô rê hờ lơgar tàm 2 nhai do.