VOV4.K’ho – Ngai òr, 08/4, Mpồl đơng lam Đảng ală mpồl lơh sa kă bro càr Dak Nông bơyai lơh pơrjum mpồl đơng lam dơ\ 4, kơnă 2, tơngai lơh broă bơh nam 2015 tus nam 2020. Tàm 3 nhai bồ nam 2016, Mpồl Đảng ală mpồl lơh sa kă bro càr Dak Nông neh di tu\ cri bơyai, dong kờl càr ală broă lơh tă bơsong kòl yan, kal ke, den tang broă lơh sa, kă bro bơh ală mpồl lơh sa kă bro tàm mpồl dê geh bơtàu tơnguh rlau mờ 3 nhai bồ nam lài. Broă bơt bơtàu Đảng kung neh geh ală tam gơl niam ngan. Tàm pơrjum, ồng Trần Xuân Hải, kuang jat jơng atbồ Anih duh broă làng bol càr Dak Nông đơs niam ală broă lơh ngan bơh mpồl Đảng ală mpồl lơh sa kă bro mờ ală mpồl duh broă Đảng gơ wèt mpồl tàm tơngai lài. Ồng sồr mpồl Đảng ală mpồl lơh sa kă bro pơn jat tai dong kờl, ai tơlik ală broă lơh dong càr tơnguh khà bơta pràn tàm pơr lòng kơnă càr tàm tơngai tus. Bal mờ hơ\, ală mpồl lơh sa kă bro geh rơndap tap sèng wơl kung pal pơnjat tai chồl pràn tơngai mut lơh jat di mờ broă rơndap lơh neh ai tơlik.

                                                                  Cau cih mờ yal tơngit K’ Duẩn