VOV4.K’ho - Drim òr (24/9), mpồl đơng lam Đảng càr Dak Nông neh bơyai lơh mu\t pơrjum dờng dơ\ 11, tơngai lơh broă bơh nam 2015 tus 2020, do là pơrjum dờng mpồl đơng lam Đảng dơ\ sơnrờp 5 càr Tây Nguyên dê.

Rùp tơrgùm pơrjum dờng mpồl đơng lam Đảng càr Dak Nông tơngai lơh broă bơh nam 2015 tus 2020

Jăt jơnau yal gùng dră bal yal tàm pơrjum dờng, tàm tơngai lơh broă 5 nam pa do, càr Dak Nông geh khà tơnguh lơh sa 12,6% tàm 1 nam; broă bơ\t bơtàu broă lơh geh tơnguh uă ngan, tàm hơ\ uă ngan là gùng lòt, bơto bơtê mờ bơsram, lơh sơnơm; gah lơh sa mờ măy mo\k neh hòi jà geh ală rơndăp broă lơh dờng, ai tơl^k broă tơnguh bơtàu pràn rơlao tàm tơngai tus. Jơnau yal gùng dră bal kung neh tơl^k loh: Càr Dak Nông gam là 1 tàm ală càr rơ[ah, broă lơh sa gam dềt, lơh sa jăt broă lơh sa suơn sre kơnờm tàm broă lơh is là lơh tòm; broă sền gàr, lơh mờ ngui phan geh is ờ geh cồng nha, tàm hơ\ uă ngan là ù mờ brê; khà niam cau lơh broă lơyaì tơnguh, tàm hơ\ uă ngan là cau lơh broă geh khà niam. Tơngai lơh broă bơh tu\ do tus nam 2020, mpồl đơng lam Đảng càr Dak Nông ai khà tơnguh 9,39% tàm 1 nam; tă kes priă dà lơgar tơnguh 14% tàm 1 nam; lơh ngan tàm 5 nam tus, rài kis tơl nă cau geh 54 tơlăk priă; lơh gơs broă bơ\t bơtàu [òn lơgar pa tàm 18 ntum tàm càr do.

Ồng Đinh Thế Huynh, kuang atbồ gah bơto pơlam gùng dà broă lơh dà lơgar geh jơnau đơng lam dơ\ pơrjum dờng

Đơs tàm dơ\ đơng lam pơrjum dờng, ồng Đinh Thế Huynh, kuang geh jơng tàm gah gùng dră bal dà lơgar, mờ là kuang atbồ gah bơto pơlam gùng dà broă lơh dà lơgar sồr: “Pal tơrgùm kơnòl tòm là tơnguh bơtàu lơh sa, chồl pràn broă ngui bơta gơguh jăk khoa học kỹ thuật, tơnguh pràn broă tam pơlòng lơh sa, tàm hơ\ uă ngan là ală phan geh lơh bơh broă lơh sa suơn sre tòm càr dê, bè tiêu, kơphe, cao su; ai tơl bơta niam kờ` ngui broă bơcri priă mpồl bơtiàn ai broă tơnguh bơtàu lơh sa in. Kuơ màng ngan pal tơrgùm tơnguh bơtàu lơh sa mờ măy mo\k Bosit trà, tơnơ\ mờ trà, pơgồp bal broă sền gàr tiah kis bơta chài rơgơi ală kòn cau, lơh ngan tus nam 2020 l^k klàs càr rơ[ah, ờ hềt tơnguh bơtàu”.

        Cau cih mờ yal tơng^t Ndong Brawl