VOV4-K'ho - Di tơnkah 40 nam ngai tơnkàs càr Gia Lai (17/3), mpồl đơng lam Đảng càr Gia Lai neh bơyai lơh tus còp tiah pôs đồng cách mạng, pà phan ală hìu nhă geh màng mờ dà lơgar tàm ntum Kroong, kơnhoàl Kbang. Ala măt mpồl kuang bàng, ồng Dương Văn Trang, kuang jăt jơng atbồ mpồl đơng lam Đảng càr neh tơl^k nùs nhơm ưn ngài uă ngan tus mờ ală kuang bàng, cau ling neh tam lơh, phi să tus mờ broă tam lơh tơnklàs dà lơgar; ưn ngài ală broă pơgồp bal bơh làng bol ntum Kroong bal mờ kuang bàng đơng lam cách mạng lài do, ală cau geh màng mờ dà lơgar. Mờ ồng Dương Văn Trang kung sồr ală rài tơnơ\ do sùm kah, bơsram mờ kis di pal mờ bơhiàn cách mạng ală rài ồng pàng lài do. Pơnỳơ să bè 1 ntum Kroong khin cha jăk chài.