VOV4.K’ho – Ngai òr 16/12, mpồl lam sồr làng bol bơh mpồl đơng lam Đảng càr Gia Lai pơgồp bal mờ mpồl đơng lam ling klàng càr bơyai lơh pơrjum tơn jơh broă lam sồr làng bol bơh ală mpồl ling lơh broă tàm càr nam 2015. Tàm nam 2015, ală mpồl ling tàm càr neh jơh nùs lơh broă tàm [òn lơgar, lơh niam broă dong làng bol bơtàu tơnguh lơh sa, gàr tơl niam rài kis; cribơyai mờ mpồl Đảng, gơnoar atbồ tơlik uă sră nggal, kung bè mut lơh niam broă tam klac ling klàng mờ làng bol. Đơs đơng lam pơrjum, ồng Châu Ngọc Tuấn, kuang jat jơng atbồ đơng lam Đảng càr neh cih dờp ală cồng nha lơh geh tàm broă lam sồr mờ ală mpồl ling lơh broă tàm càr neh lơh geh. Ồng kung sồr ală mpồl ling pal tam gơl broă lơh tàm broă lam sồr làng bol nàng wèt tus jơnau kờ` gàr niam ngap lơngai gùng dră bal, ờ do ờ dă mpồl bơtiàn mờ bơtàu tơnguh niam rài kis làng bol dê.

                                                                Cau cih mờ yal tơngit K’ Duẩn.