VOV4.K’ho – Ngai òr 7/6, Mpồl đơng lam Đảng càr Lâm Đồng bơyai lơh sơnđờm mu\t Pơrjum kuang bàng dờng màng jơh gùt càr bơsram mờ lơh jat Kơrnoat Pơrjum dờng gùt lơgar dơ\ XII bơh Đảng dê mờ lơh jat Kơrnoat Pơrjum dờng cau ala mat Mpồl Đảng càr Lâm Đồng dơ\ X. Đơs sơnđờm mu\t pơrjum, ồng Nguyễn Xuân Tiến kuang atbồ đơng lam Đảng càr Lâm Đồng đơs tờm: Pơrjum dờng cau ala mat gùt lơgar dơ\ XII bơh Đảng dê mờ Pơrjum dờng Mpồl Đảng càr Lâm Đồng dơ\ X geh lơh tàm tu\ tơngai geh uă bơta kuơmàng, broă lơh tam gơl pa dà lơgar, mờ càr neh sơr lèt gan 30 nam lơh geh uă cồng nha dờng ngan. Pơrjum dờng ring bal ală sră nggal kuơmàng ngan, lơh gơs tai dùl broă lơh tàm broă rơndăp dùl ròt ală gùng dà đơng lam broă lơh tam gơl pa dà lơgar. Pơrjum geh bơta dờng màng kờn lam bơsram, mblàng yal mờ lơh jat Kơrnoat Pơrjum dờng, lơh geh bơta ring bal bè nùs nhơm, bồ tơngoh, jơnau kơ\p kờn mờ broă lơh tàm jơh gùt Mpồl Đảng, ling klàng mờ làng bol ală kòn cau càr Lâm Đồng nàng jơh nùs mu\t lơh jat Kơrnoat Pơrjum dờng Mpồl Đảng càr dơ\ X; bal mờ gùt lơgar mu\t lơh jai pha Kơrnoat Pơrjum dờng cau ala mat gùt lơgar dơ\ XII bơh Đảng dê.

Cau cih mờ yal tơngi\t- Lơ Mu K’ Yến