VOV4.K’ho - Drim òr 12/02, tàm hìu duh broă Đảng Dà lơgar, tàm nùs nhơm rcăng wa\ rò sơnam pa sa tềp Ất Mùi 2015, mờ tơngkah 85 nam ngai crơng gơs Đảng, Mpồl đơng lam Đảng dà lơgar bơyai lơh tìp măt ală cau jak, cau geh bồ tơngok jak, cau cih sră, lơh bơta niam chài, cau chài tàm gùt lơgar. Đơs tàm dơ\ tìp măt, ồng Nguyễn Phú Trọng kuang atbồ đơng lam Đảng dà lơgar đơs tờm: Đảng he sùm sền dờng màng gơnuar broă bơh mpồl cau geh bồ tơngoh jak, cau cih sră lơh bơta niam chài mờ sền bơta jak là bơnàng jă bơh gơguh jak làng bol bòn lơgar dê. Ồng Đặng Vũ Minh kuang atbồ Mpồl tam klăc ală Mpồl Khoa học mờ kỹ thuật Việt Nam mờ ồng Hữu Thỉnh kuang atbồ Mpồl tam klăc ală Mpồl cih sră, lơh bơta niam chài Việt Nam bal mờ ală kuăng bàng tơlik nùs nhơm chờ hờp mờ ưn ngài ồng Nguyễn Phú Trọng mờ Mpồl đơng lam Đảng dà lơgar neh bơyai lơh tìp măt ală cau jak, cau geh bồ tơngoh jak, ală cau cih sră lơh bơta niam chài tàm dơ\ lài mờ dơ\ sa tềp, tơngo\ bơta sền gròi uă ngan bơh Đảng, Dà lơgar tus mờ ală cau geh bồ tơngoh jak mờ cau cih sră lơh bơta niam chài.