VOV4.K’ho- Ngai 14/8, tàm [òn dờng Hồ Chí Minh, Mpồl đơng lam Đảng dà lơgar bơyai lơh Pơrjum tìp mat kuang bàng đơng lam bồ dờng màng bơh Đảng, Dà lơgar dê neh jơh sơnam lơh broă tiah đah Jum dà lơgar, nàng yal bơta tàm lơgar mờ dunia mờ broă lơh kuàng bàng, jơnau đơng lam bơh Đảng, Dà lơgar dê tàm ală broă tàm tơngai lài. Ồng Nguyễn Phú Trọng, Kuang atbồ đơng lam Đảng dà lơgar mờ ồng Đinh Thế Huynh, Kuang geh jơng Gah Gùng dră bal dà lơgar, Lơh broă sùm tàm Mpồl đơng lam Đảng dà lơgar neh đơng lam dơ\ pơrjum do. Tus bal pơrjum geh ồng Trương Tấn Sang, Kuang atbồ lơgar lài do, ồng Nguyễn Tấn Dũng, Kuang gơs gơnăp gơnoar atbồ hơđang rlau jơh dà lơgar lài do bal mờ ală Kuang bàng lài do là Kuang geh jơng tàm Mpồl Đảng dà lơgar, Kuang atbồ Gah broă lơh dà lơgar mờ ndrờm bal mờ hơ\. Ală kuang bàng neh iat ồng Đinh Thế Huynh yal bơta pơnrơ ngan bơh tơnơ\ Pơrjum dờng dơ\ XII bơh Đảng dê tus tu\ do mờ kơnòl broă bơh tu\ do tus lồi nam; ồng Phạm Bình Minh, Kuang jat jơng gơs gơnăp gơnoar atbồ hơđang rlau jơh dà lơgar mơkung là Kuang atbồ Gah Cribơyai broă mờ lơgar ndai dà lơgar yal bơta Dà lềng đah mat tơngai Lik tàm tơngai rềp ndo; ồng Trần Hồng Hà, Kuang atbồ Gah Phan geh is mờ tiah ơm kis dà lơgar yal bè broă lơh [ơ\ [ơl tiah ơm kis uă ngan bơh mpồl lơh sa kă bro Formosa Hà Tĩnh dê. Ală kuang bàng tus bal pơrjum geh jơnau đơs tơngo\ bơta pin dờn tàm gơnoar broă đơng lam bơh Đảng dê, mơkung kơ\p kờn, mờ gơn kơnờm Đảng pơn jat tai tam gơl pa, bơ\t bơtàu Đảng pal ngan ngồn sàng goh, pràn kơldang kơ\ kơl jăp. Pơndu\t pơrjum, ồng Nguyễn Phú Trọng đơs loh, Mpồl đơng lam Đảng dà lơgar sền dờng màng iat kơno, kơlôi sơnơng ală jơnau đơs tă pơgồp jơh nùs, geh kơnòl mờ jrô ơnàng bơh ală kuang bàng dê nàng ngui tàm broă lơh đơng lam, atbồ. Ồng Nguyễn Phú Trọng dùl dơ\ tai đơs tờm bơta lơh ngan jơh nùs bơh jơh gùt Đảng, gùt ling klàng mờ gùt làng bol dê tàm broă kràn cê jơh nùs, kơ\ dơn nùs nhơm sền gàr kơ\ kơl jăp bơta lơngăp lơngai, gơnoar tờm, ù tiah dờng màng king cru\ ngan bơh Dà lơgar dê; gàr kơ\ kơl jăp gùng dră bal, tiah ơm kis ring lơngai nàng bơtàu tơnguh dà lơgar mhar mờ kơ\ kơl jăp.

Cau cih mờ yal tơngi\t- Lơ Mu K’ Yến