VOV4.K’ho - Mpồl đơng lam Đảng gah ling klàng kơnhoàl Cư\ Mgar, càr Dak Lak pa bơyai lơh pơrjum tơn jơh 4 nam lơh jăt kơrnoăt sồr sồ 03 bơh Gah gùng dră bal dà lơgar bè broă pơn jăt tai chồl pràn broă “Bơsram mờ lơh jăt ơnà jăk Bác Hồ dê”. Bơh tàm 4 nam lơh jăt kơrnoăt sồ 03, gơnoar, kơnòl bơh kuang bàng, cau geh đảng tàm mpồl linmg kơnhoàl do neh geh tơnguh loh làng. Nùs nhơm yal tìs di mờ tìs di is bơh kuang bàng, cau geh đảng tàm mpồl ling geh tơnguh, đòm jăt mờ lơh jăt nền nòn kơrnoăt tơrgùm lơh tòm, cau tàm mpồl tam klăc mờ sền gàr niam broă lơh bal mờ mpồl đơng lam đảng, gơnoar atbồ tàm kơnhoàl. Tàm broă lơh tòm, ală kuang bàng, cau geh đảng tàm mpồl ling kơnhoàl Cư\ Mgar sùm rơcang pơlam, ai tơl^k ală gùng dà, broă lơh di pal mờ mùl màl mpồl đơng lam Đảng, gơnoar atbồ kơnhoàl in bè broă sền gàr dà lơgar, ling klàng dê.

Cau mblàng Ndong Brawl