VOV4.K’ho - Tềng đăp mờ broă làng bol kơl sơbì g^t nđờ rơhiang lồ cao su, kờ` tam gơl tam kơphe, mpồl đơng lam Đảng kơnhoàl Đak Hà, càr Kon Tum neh lam sồr làng bol pal lời tòm cao su mờ tam phan ờ jo\ tơngai, lơh kòi sre kờ` niam tàm rài kis. Tàm 114 lồ cao su gơtìp làng bol tàm kơnhoàl Đak Hà kơl sơbì, geh 5 lồ gơwèt rơndăp broă dong kờl tơnguh bơtàu cao su suơn dềt càr Kon Tum dê mờ 36 lồ gơwèt broă dong kờl tơnguh bơtàu tòm cao su hìu nhă tàm kơnhoàl dê, gam tai là làng bol tam is. Jơnau ờ su\k ơm ngan là tơnơ\ mờ tu\ kơl tòm cao su, làng bol mìng tam gơl tam kơphe, den tàng lơh ờ niam tus mờ khà ù ai tam phan tam kơnhoàl do dê. Ồng A Vượng, kuang atbồ đơng lam Đảng kơnhoàl Đak Hà pà g^t: “Kơnhoàl lam sồr ba` kơl sơbì, lơh ngan lời tòm cao su tài neh bơcri priă tus tu\ do neh 4, 5 nam bloh. Lam sồr làng bol bơdìh mờ broă tam phan jo\ tơngai den ngui ală khà ù gam tam ală bơta phan tam ờ jo\ tơngai, tơrgùm tơnguh bơtàu ròng phan kờ` ring niam rài kis. Bơdìh hơ\ tai, làng bol geh ù sre den tơnguh broă lơh sre kờ` tơnguh cồng nha, tơl phan sa làng bol in tềng đăp măt. Ngui khà dà ală hìu geh tơl ngui tơl sa tờ tơnao ròng ka, tam biăp kờ` geh phan sa hìu nhă in”.

Cau mblàng Ndong Brawl