VOV4.K’ho – Ngai òr, 16/04, Mpồl đơng lam Đảng Mpồl cau dờng sơnam càr Dak Nông bơyai lơh pơrjum dơ\ pe, tơngai lơh broă bơh nam 2015- 2020 nàng sền wơl broă lơh tàm tơngai lài mờ ai gùng dà broă lơh tàm tơngai tus. Tàm tơngai lơh broă lài, mờ bơta đơng lam bơh anih duh broă đơng lam Đảng, mpồl đơng lam đảng dê, ală cau geh Đảng sùm lơh jăt niam nùs nhơm geh kơnòl, lam lài mu\t lơh ală gùng dà broă lơh bơh Đảng mờ kơrnoat boh lam Dà lơgar dê. Broă lơh bơh Mpồl đơng lam Đảng dê sùm lơh jăt ală broă lơh tờm là đơng lam mu\t lơh ală broă lơh sền gròi, dong kờl, brồ guh gơnoar broă cau dờng sơnam dê, bơ\t bơtàu  mpồl đơng lam mpồl, mờ ală srơh pơrlòng kờ` gơboh dà lơgar…lơh geh uă cồng nha geh kuơ ngan. Tàm tơngai tus, Mpồl đơng lam Đảng Mpồl ]au dờng sơnam càr Dak Nông pơn jăt tai tam gơl pa mờ tơnguh jơnhoa cồng nha lơh broă, sơlơ tơnguh tai bơta đơng lam, tơnguh jơnhoa pràn tam lơh nàng đơng lam broă lơh mờ srơh lơh broă cau dờng sơnam càr Dak Nông dê ngai sơlơ lơh geh ]ồng nha jơnhoa rlau.

                               Cau mblàng Lơ Mu K’ Yến